తిరుమల శ్రీవారి సన్నిధిలో తాండూరు పట్లోళ్ల కుటుంబం.. భక్తిశ్రద్ధలతో దర్శనం చేసుకున్న దీప నర్సింలు

తాండూరు, మేజర్ న్యూస్: కలియుగ దైవం తిరుమల శ్రీ వేంకటేశ్వర స్వామివారి దివ్య సన్నిధిలో తాండూరుకు చెందిన పట్లోళ్ల కుటుంబం భక్తిపారవశ్యంలో మునిగింది. తాండూరు మున్సిపల్ కౌన్సిల్‌లో బీఆర్‌ఎస్ పార్టీ ఫ్లోర్ లీడర్‌గా ఉన్న దీప నర్సింలు ఆదివారం తన కుటుంబ సభ్యులతో కలిసి శ్రీవారిని దర్శించుకుని ఆశీస్సులు పొందారు. బీఆర్‌ఎస్ పార్టీ సీనియర్ నాయకుడు, ఆమె భర్త నర్సింలు, కుమార్తెలు సాయి రఘు, సాయి శ్లోక, అక్క సావిత్రమ్మతో కలిసి స్వామివారిని దర్శించుకున్నారు. ఈ సందర్భంగా దీప నర్సింలు మాట్లాడుతూ, శ్రీవారి కృపాకటాక్షాలతో ప్రజలందరికీ మేలు జరగాలని, ప్రతి ఒక్కరూ సుఖసంతోషాలతో, ఆయురారోగ్యాలతో జీవించాలని ప్రార్థించినట్లు తెలిపారు.