BREAKING
చిన్నారులకు పోలియో చుక్కలు వేసిన ఎమ్మెల్యే సతీమణి పట్లోళ్ల అనుపమ రెడ్డి. నిండు జీవితానికి రెండు చుక్కలు.. పల్స్ పోలియో కార్యక్రమాన్ని ప్రారంభించిన ఎమ్మెల్యే గూడెం మహిపాల్ రెడ్డి నూతన దేవాలయాల నిర్మాణాలకు సంపూర్ణ సహకారం గ్రామాభివృద్ధే లక్ష్యంగా రేఖ మంజునాథ్ ఇంటింటి ప్రచారం బీరంగూడ గుట్టపై ఆధ్యాత్మిక వైభవం.. అంగరంగ వైభవంగా శ్రీశ్రీశ్రీ హరిహరపుత్ర అయ్యప్ప స్వామి విగ్రహ ప్రాణప్రతిష్ఠ మహోత్సవం.. గండిగూడెం దుర్గమ్మ, ఎల్లమ్మ, చిత్తరమ్మ దేవాలయాల నిర్మాణాలకు ఎమ్మెల్యే భారీ విరాళం.. బొమ్మన రవీంద్రనాథ్ రెడ్డి నామినేషన్ దాఖలు మంచం గుర్తుతో ఆశా సుబ్రహ్మణ్యం ప్రచార శంఖారావం చిన్నారుల ఆరోగ్య రక్షణ ప్రతి ఒక్కరి బాధ్యత ఐదేళ్లలోపు పిల్లలకు పోలియో చుక్కలు తప్పనిసరిగా వేయించాలి మైనారిటీలకు అండగా నిలుస్తూ పేద విద్యార్థిని, విద్యార్థులకు ఇంటి పెద్ద కొడుకులా ఆదుకుంటున్న వక్స్ బోర్డ్ డైరెక్టర్...... ఇస్మాయిల్ బేగ్ ఉచిత మెగా వైద్య శిబిరం చేరుకులపాడు సర్పంచ్ అభ్యర్థిగా శకుంతలమ్మ నామినేషన్ పోలియో చుక్కల కార్యక్రమాన్ని ప్రారంభించిన డీసీసీ అధ్యక్షులు పట్లోళ్ల చంద్రశేఖర్ రెడ్డి. పల్స్ పోలియో - మన పిల్లల భవిష్యత్తుకు రక్షణ టెలికం బోర్డు మెంబర్ బీజేపీ జిల్లా నాయకులు బైండ్ల కుమార్ పేకాట స్థావరంపై పోలీసుల దాడి

తమ్ముడిని హత్య చేసిన అన్న అరెస్ట్

Select Suryaa Now
తమ్ముడిని హత్య చేసిన అన్న అరెస్ట్

*తమ్ముడిని హత్య చేసిన అన్న అరెస్ట్*

*డబ్బుల విషయమే హత్యకు కారణం*

*24 గంటల్లోనే నిందితున్ని అరెస్టు చేసిన పోలీసులు*

*నేరానికి ఉపయోగించిన కత్తి,రక్తపు మరకలు ఉన్న దుస్తులు స్వాధీనం*

*వివరాలు వెల్లడించిన మామును ఏసిపి వెంకటేష్*

గీసుగొండ సెప్టెంబర్ 21 మేజర్ న్యూస్ (సూర్య)గీసుగొండ పోలీస్ స్టేషన్ పరిధిలోని గరీబ్‌నగర్ లో జరిగిన హత్య కేసును పోలీసులు 24 గంటల్లోనే ఛేదించి,మృతుడి అన్నను అరెస్ట్ చేశారు.కేసుకు సంబంధించిన వివరాలను మామునూరు ఏసిపి వెంకటేష్ వెల్లడించారు.19వ తేదీన రాత్రి సుమారు 9.30 గంటలకు గరీబ్‌నగర్‌లోని ఒక అద్దె ఇంటిలో  ఎలుబాక ప్రసాద్ (31) కత్తిపోట్లకు గురై మృతి చెందాడు.మృతుడి ఛాతి,వీపు భుజం ప్రాంతాల్లో తీవ్ర కత్తిపోటు గాయాలు ఉన్నాయి.మృతుడి తల్లి ఎలుబాక సుజాత ఇచ్చిన ఫిర్యాదు మేరకు గీసుగొండ పోలీస్ స్టేషన్‌లో  హత్య నేరం కింద కేసు నమోదు చేసి దర్యాప్తు చేశాం.దర్యాప్తులో వెల్లడైన వివరాల ప్రకారం,నిందితుడు ఎలుబాక ప్రవీణ్ (33)తన తల్లి వద్ద తరచుగా డబ్బులు అడిగేవాడు ఈ విషయమై ప్రసాద్ నిందితుడిని దూషించడంతో ఇద్దరి మధ్య గతంలో పలుమార్లు గొడవలు జరిగాయి.ఈ నేపథ్యంలో మృతుడిపై నిందితుడు కక్ష,అసూయ పెంచుకుని,తన తల్లి సంపాదించే డబ్బు తనకే దక్కాలనే ఉద్దేశంతో తమ్ముడిని హత్య చేశాడు.19వ తేదీన రాత్రి నిందితుడు తను స్వతహాగా వెల్డర్ అయినందున తను తయారు చేసుకున్న కత్తిని వెంట తీసుకుని గరీబ్‌నగర్‌లోని తన తమ్ముడు,తల్లి ఉండే ఇంటికి వెళ్లాడు.ఆ సమయంలో ఆసుపత్రిలో నైట్ డ్యూటీలు నిర్వహించే తల్లి నైట్ డ్యూటీకి వెళ్లి ఉండగా,ప్రసాద్ ఇంట్లో ఒంటరిగా ఉన్నాడు.నిందితుడు కావాలని తన తమ్ముడితో వాగ్వాదానికి దిగి గొడవ పెట్టుకుని వేసుకున్న పథకం ప్రకారం కత్తితో తన తమ్ముడు ప్రసాద్ వీపు,ఛాతి,భుజంపై పలుమార్లు పొడిచాడు.తీవ్ర రక్తస్రావంతో మృతుడు అక్కడికక్కడే కుప్పకూలాడు.ఈ  సంఘటనను గమనించిన స్థానికులు వెంటనే 108 అంబులెన్స్ కు ఫోను చేయగా అంబులెన్స్ సిబ్బంది అక్కడికి వచ్చి పరిశీలించి అతను మరణించినట్లు నిర్ధారించారు. నిందితుడు తన తమ్ముడుపై దాడికి దిగే సమయంలో పెనుగులాటలో నిందితుడి ఎడమ బొటనవేలుకు కూడా గాయమై రక్తస్రావమైంది.

*తల్లిని కూడా బెదిరించిన నిందితుడు*

దాడి అనంతరం నిందితుడు తన నివాసం ఉంటున్న కీర్తినగర్ లోని ఇంటికి వెళ్లి జరిగిన విషయం తన భార్యకు చెప్పి తిరిగి తన తల్లి ఇంటికి వచ్చాడు. అక్కడ మరణించిన అతని తమ్ముడి వద్ద తన తల్లి ఏడుస్తుండటం గమనించి ఎందుకు ఏడుస్తున్నావు? ఏడిస్తే నిన్ను కూడా చంపుతాను.తమ్ముడిని చంపింది నేనే అంటూ బెదిరించాడు.

*ఆర్.ఎం.పి డాక్టర్ వద్ద చికిత్స*

నిందితుడు తన ఎడమ బొటనవేలు గాయానికి 20వ తేదీన తెల్లవారుజామున గీసుగొండలోని ఆర్.ఎం.పి డాక్టర్‌ను సంప్రదించాడు. డాక్టర్ ఆగాయాల గురించి వివరిన కోరగా తన తమ్ముడిని కత్తితో పొడవగా తన చేతికి గాయమైనట్టుగా డాక్టర్ కు  తెలిపాడు.డాక్టర్ ప్రాథమిక చికిత్స చేసి, పోలీసుల ముందు లొంగిపోవాలని సూచించాడు.

*నిందితుడి అరెస్ట్ మరియు కీలక ఆధారాల స్వాధీనం*

21వ తేదీన నిందితుడు తన ఇంటి వైపు వస్తున్నాడనే విశ్వసనీయ సమాచారం అందడంతో గీసుగొండ పోలీసులు అతన్ని అదుపులోకి తీసుకొని విచారించారు.నిందితుడు నేరం అంగీకరించి తమ్ముని చంపడానికి ఉపయోగించిన కత్తి,ఆ సమయంలో వేసుకున్న దుస్తుల సమాచారం ఇవ్వగా ఆ సమాచారం మేరకు అతని ఇంటి సమీపంలోని పొదల్లో దాచిన  వస్తువులను స్వాధీనం చేసుకున్నాం.
ఈస్ట్ జోన్ వరంగల్ పోలీస్ కమిషనరేట్ క్లూస్ టీమ్ సహాయంతో సంఘటనా స్థలంలో శాస్త్రీయ ఆధారాలను సేకరించి స్వాధీనం చేసుకున్న వస్తువులపై అవసరమైన ఫోరెన్సిక్ పరీక్షలు నిర్వహించాం.అరెస్ట్ చేసిన నిందితుడు ఎలుబాక ప్రవీణ్ (33) ను రిమాండ్ చేసి న్యాయస్థానం ముందు హాజరు పరిచినట్లు తెలిపారు.ఈ హత్య కేసును 24 గంటల్లో చేదించి నేరస్థున్ని అరెస్ట్ చేసిన గీసుగొండ సీఐ విశ్వేశ్వర్,ఎస్.ఐ లు అనిల్ కుమార్,కుమార్,కానిస్టేబుల్ లు అరవింద్, విజయ్, ప్రవీణ్, భాస్కర్ రజినీ కుమార్ ను ఏసిపి అభినందించారు.