తీరొక్క పూలతో బతుకమ్మ బతుకమ్మ సంబరాలు

సూర్య భైంసా రూరల్:   తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకుని భైంసా మండలం చుచుంద్ పాఠశాలలో ముందస్తు బతుకమ్మ సంబరాలను ఘనంగా నిర్వహించారు.ఈ సందర్భంగా ఉపాధ్యాయులు, విద్యార్థులు తీరొక్క పూలతో అందంగా బతుకమ్మలను పేర్చి, సంప్రదాయ దుస్తుల్లో పాల్గొన్నారు. బతుకమ్మ చుట్టూ పాటలు పాడుతూ, కోలాటాలు ఆడుతూ ఉత్సాహంగా సంబరాలు జరుపుకున్నారు.తెలంగాణ ఆడపడుచుల ఆత్మీయతకు, ప్రకృతి ప్రేమకు ప్రతీకగా నిలిచే బతుకమ్మ పండుగ విశిష్టతను విద్యార్థులకు ఉపాధ్యాయులు వివరించారు. మన సంస్కృతి, సంప్రదాయాలను భావితరాలకు అందించాల్సిన బాధ్యత ప్రతి ఒక్కరిపై ఉందని పేర్కొన్నారు. ఇందులో ప్రజలు పద్యాలు పి.సురేష్, ఉపాధ్యాయులు పండరి,జి.రాజేశ్వర్,ఆర్.రాజేశ్వర్, జ్యోత్స్న,పద్మ,విద్యార్థులు తదితరులు పాల్గొన్నారు.