ఘట్‌కేసర్, మేజర్ న్యూస్:తల్లిదండ్రులు లేని నిరుపేద ఆడబిడ్డ వివాహానికి మాజీ సర్పంచ్ ఏనుగు కావేరి మచ్చేందర్ రెడ్డి అండగా నిలిచారు. ఏదులాబాద్ డివిజన్ పరిధిలోని అవుశాపూర్ గ్రామానికి చెందిన దివంగత పండ్ల కృష్ణ కుమార్తె వివాహం సందర్భంగా ఆమెకు పుస్తె మెట్టెలు, నూతన వస్త్రాలను అందజేశారు. ఆడబిడ్డకు తల్లిదండ్రులు లేని లోటు తెలియకుండా వివాహ వేడుకలో తన వంతు సాయం అందించి మానవత్వాన్ని చాటుకున్నారు. నిరుపేద కుటుంబానికి అండగా నిలిచిన కావేరి మచ్చేందర్ రెడ్డి సేవాభావాన్ని పలువురు అభినందించారు. ఈ కార్యక్రమంలో భాజపా సీనియర్ నాయకులు ఏనుగు మచ్చేందర్ రెడ్డి, గ్రామ బీజేపీ బూత్ అధ్యక్షుడు చిలకమారి మహేశ్, కుటుంబ సభ్యులు పాల్గొన్నారు.
