సూర్య కథనానికి అధికారుల స్పందన

కొండాపూర;మండల పరిధిలోని మాన్  సన్ పల్లి గ్రామ శివారులో అనుమతులు లేకుండానే అక్రమ నిర్మాణాలు చేపడుతున్నారనే అంశంపై గురువారం సూర్య దినపత్రికలో ప్రచురితమైన ‘అనుమతులు లేకుండానే అక్రమ నిర్మాణాలు’ కథనానికి అధికారులు స్పందించారు.కథనం వెలువడిన నేపథ్యంలో ఎంపీఓ యాదగిరి, పంచాయతీ కార్యదర్శి స్వాతి శుక్రవారం మన్ సన్ పల్లి శివారులోని సర్వే నంబర్ 189లో క్షేత్రస్థాయిలో పర్యటించి నిర్మాణ పనులను పరిశీలించారు. సుమారు ఎకరా భూమిలో నిర్మాణాలు చేపట్టేందుకు పిల్లర్లు, పునాదుల ఏర్పాట్లు చేసినట్లు గుర్తించారు.ఈ సందర్భంగా గ్రామపంచాయతీ, హెచ్ఎండీఏ అనుమతులు లేకుండా ఎలాంటి నిర్మాణాలు చేపట్టరాదని నిర్వాహకులను ఆదేశించారు. వెంటనే పనులు నిలిపివేయాలని స్పష్టం చేశారు. నిబంధనలకు విరుద్ధంగా అనుమతులు లేకుండా నిర్మాణాలు చేపడితే శాఖాపరమైన చర్యలు తీసుకోవడంతో పాటు అక్రమ నిర్మాణాలను కూల్చివేస్తామని హెచ్చరించామని తెలిపారు