ఫ్రెండ్స్ వెల్ఫేర్ అసోసియేషన్ ఆధ్వర్యంలో సర్దార్ వల్లభాయ్ పటేల్ జయంతి…ఇందిరాగాంధీ వర్ధంతి

చందానగర్,మేజర్ న్యూస్ :  చందానగర్‌లోని డఫ్ అండ్ డమ్ పాఠశాలలో సర్దార్ వల్లభాయ్ పటేల్ జయంతి, మాజీ ప్రధాని ఇందిరాగాంధీ వర్ధంతి కార్యక్రమాలను ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ ఆధ్వర్యంలో ఘనంగా నిర్వహించారు. ఈ సందర్భంగా వారిరువురి చిత్రపటాలకు పూలమాలలు వేసి నివాళులర్పించారు. అనంతరం విద్యార్థులకు పెన్నులు, పెన్సిళ్లు, ఎరేజర్లు, షార్పనర్లు, బిస్కెట్లు, పండ్లు, పాప్‌కార్న్ ప్యాకెట్లు పంపిణీ చేశారు.ఈ సందర్భంగా రామస్వామి యాదవ్ మాట్లాడుతూ, దేశ ఐక్యతకు సర్దార్ వల్లభాయ్ పటేల్ చేసిన సేవలు చిరస్మరణీయమని, ఇందిరాగాంధీ పేదల సంక్షేమానికి, దేశ అభివృద్ధికి విశేష కృషి చేశారని కొనియాడారు. వారి జీవితాలను ఆదర్శంగా తీసుకొని యువత దేశ సమైక్యత, సమగ్రత పరిరక్షణకు కృషి చేయాలని పిలుపునిచ్చారు. అనంతరం జాతీయ ఐక్యత, సమగ్రతకు కట్టుబడి ఉంటామని ప్రతిజ్ఞ చేయించారు.ఈ కార్యక్రమంలో అసోసియేషన్ సభ్యులు శివరామకృష్ణ, జనార్ధన్, వాణి, సాంబశివరావు, పాలం శ్రీను, పాఠశాల ప్రిన్సిపాల్ మెర్సీ, ఉపాధ్యాయురాలు శోభ తదితరులు పాల్గొన్నారు.