గొల్లలవలసలో జోరుగా ఎంపీటీసీ ఎన్నికల ప్రచారం: పాల్గొన్న యువ నాయకులు డాక్టర్ కృష్ణ చైతన్య

​పోలాకి, అక్టోబర్ 31, మేజర్ న్యూస్:

​పోలాకి మండలం గొల్లలవలస ఎంపీటీసీ పరిధిలోని గొల్లలవలస గ్రామంలో వైఎస్సార్ కాంగ్రెస్ పార్టీ ఎన్నికల ప్రచారం ఊపందుకుంది. సంతలక్ష్మిపురం, డోల, తోటడ, సన్యాసిరాజులపేట గ్రామాల పరిధిలోగల గొల్లలవలస గ్రామంలో వైఎస్సార్‌సీపీ నాయకులు ముమ్మరంగా ప్రచారం నిర్వహించారు. మొన్నటి వరకు ఎంపీటీసీగా సేవలందించి, ప్రస్తుతం మళ్లీ ఎంపీటీసీ అభ్యర్థిగా బరిలో నిలిచిన సూరపు జయలక్ష్మి(w/o జయరాం నాయుడు)కి మద్దతుగా ఈ ప్రచారం సాగింది.
​ఈ కార్యక్రమంలో యువ నాయకులు డాక్టర్ కృష్ణ చైతన్య పాల్గొని గ్రామంలోని ఓటర్లతో నేరుగా మాట్లాడారు. నియోజకవర్గ, మండల అభివృద్ధికి పాటుపడుతూ నిరంతరం ప్రజాసేవలో ముందుండే సూరపు జయలక్ష్మిని ఆశీర్వదించాలని, ఫ్యాన్ గుర్తుపై మీ అమూల్యమైన ఓటు వేసి ఆమెను అత్యధిక మెజారిటీతో గెలిపించాలని ఆయన కోరారు.
​ఈ ప్రచారంలో స్థానిక నాయకులు, కార్యకర్తలు కరిమి రాజేశ్వరరావు, ముద్దాడ బైరాగి నాయుడు, వై.వి. రమణ  (ఎస్.ఎల్.పురం), చింతు రాఘవ, కణితి సత్తిబాబు, పంచిరెడ్డి జగన్, కంచరీ బలరాం, సూరపు జయరాం నాయుడు, పి ఆనందరావు  తదితరులు పెద్ద సంఖ్యలో పాల్గొన్నారు.