శంషాబాద్‌లో నకిలీ కరెన్సీ కలకలం!
రూ.1.34 లక్షల నకిలీ నోట్లు స్వాధీనం
శంషాబాద్: తెలంగాణలో నకిలీ కరెన్సీ వ్యవహారం కలకలం రేపుతోంది. నకిలీ నోట్లను సరఫరా చేస్తున్నాడనే ఆరోపణలపై సందీప్ అనే వ్యక్తిని శంషాబాద్ పరిధిలోని పెద్ద షాపూర్ పోలీసులు అరెస్ట్ చేసినట్లు సమాచారం.
నిందితుడి వద్ద నుంచి సుమారు రూ.1.34 లక్షల విలువైన నకిలీ కరెన్సీ నోట్లు, రెండు సెల్‌ఫోన్లను పోలీసులు స్వాధీనం చేసుకున్నట్లు తెలుస్తోంది. ఈ నకిలీ నోట్లు ఎక్కడ తయారయ్యాయి? వీటిని ఎవరికి సరఫరా చేస్తున్నారు? అనే అంశాలపై పోలీసులు దర్యాప్తు చేస్తున్నట్లు సమాచారం.
ఈ వ్యవహారం వెనుక మరికొందరి ప్రమేయం ఉందా? నకిలీ నోట్ల తయారీ, సరఫరా నెట్‌వర్క్‌లో ఇంకెవరైనా ఉన్నారా? అనే కోణాల్లోనూ విచారణ కొనసాగుతున్నట్లు తెలుస్తోంది. దర్యాప్తులో మరిన్ని వివరాలు వెలుగులోకి వచ్చే అవకాశం ఉంది.
నకిలీ కరెన్సీ చలామణి ప్రజల్లో ఆందోళన కలిగిస్తోంది. అయితే, ఈ కేసుకు సంబంధించి పూర్తి వివరాలు, పోలీసులు వెల్లడించే అధికారిక సమాచారం తెలియాల్సి ఉంది.
పోతుల నర్సింహా, మేజర్ న్యూస్ శంషాబాద్.
