శరన్నవరాత్రుల్లో పంచముఖ గాయత్రీ దేవి అలంకరణలో దర్శనమిచ్చిన అమ్మవారు

బ్రహ్మగిరి క్షేత్రంలో పంచామృత అభిషేకాలు.. సామూహిక కుంకుమార్చన

చేవెళ్ల : శరన్నవరాత్రుల ఉత్సవాల్లో భాగంగా చేవెళ్లలోని బ్రహ్మగిరి క్షేత్రంలో రెండో రోజు సోమవారం శ్రీ పంచముఖ గాయత్రీ దేవి అలంకరణలో అమ్మవారు భక్తులకు దర్శనమిచ్చారు. ఈ సందర్భంగా ఆలయంలో ప్రత్యేక పూజా కార్యక్రమాలు భక్తిశ్రద్ధలతో నిర్వహించారు.

ఉదయం అమ్మవారికి పంచామృత అభిషేకాలు నిర్వహించి, అనంతరం శ్రీ గాయత్రీ అమ్మవారికి శోడశోపచార పూజ చేపట్టారు. అలాగే సామూహిక కుంకుమార్చన కార్యక్రమంలో భక్తులు పాల్గొని అమ్మవారిని భక్తితో ఆరాధించారు. పూజల అనంతరం మహా మంగళహారతి నిర్వహించారు.

శరన్నవరాత్రుల సందర్భంగా ఆలయంలో నిర్వహిస్తున్న ప్రత్యేక పూజా కార్యక్రమాలతో ఆధ్యాత్మిక వాతావరణం నెలకొంది. అమ్మవారి ఆశీస్సులు పొందేందుకు భక్తులు భక్తిశ్రద్ధలతో పూజల్లో పాల్గొన్నారు.

(రంగారెడ్డి, మేజర్ న్యూస్)