సెయింట్ పాల్ పాఠశాలలో ఘనంగా బాలల దినోత్సవ వేడుకలు

సదాశివపేట ;  సదాశివపేట మండలం పెద్దాపూర్ గ్రామంలోని సెయింట్ పాల్ పాఠశాలలో బాలల దినోత్సవ వేడుకలను ఘనంగా నిర్వహించారు. పాఠశాల కరస్పాండెంట్ రోజా ఆధ్వర్యంలో జరిగిన ఈ వేడుకలు విద్యార్థుల సందడి, ఉత్సాహంతో అట్టహాసంగా సాగాయి.ఈ సందర్భంగా విద్యార్థులు వివిధ రకాల వేషధారణలతో అలరించడంతో పాటు ఆటపాటలు, ఆకట్టుకునే నృత్య ప్రదర్శనలతో అదరగొట్టారు. చిన్నారుల రంగురంగుల వేషధారణలు, చక్కటి నృత్యాలు, సాంస్కృతిక ప్రదర్శనలు ప్రత్యేక ఆకర్షణగా నిలిచాయి. విద్యార్థులు ఎంతో ఉత్సాహంగా పాల్గొని తమలోని ప్రతిభను ప్రదర్శించారు.ఈ సందర్భంగా కరస్పాండెంట్ రోజా మాట్లాడుతూ బాలలే భావి భారత పౌరులని, వారి ఆనందమే సమాజ అభివృద్ధికి పునాది అని పేర్కొన్నారు. వేడుకలు ఉల్లాసభరిత వాతావరణంలో ముగిశాయి.