రైతుల సమక్షంలోనే భూముల రీ సర్వే చేయాలి: కలెక్టర్ గరిమ అగ్రవాల్

సూర్య వేములవాడ రూరల్ భూముల రీ సర్వే ప్రక్రియను రైతుల సమక్షంలోనే చేపట్టాలని జిల్లా కలెక్టర్ గరిమ అగ్రవాల్ ఆదేశించారు.వేములవాడ రూరల్ మండలం జయవరంలో కొనసాగుతున్న భూముల రీ సర్వే ప్రక్రియను శనివారం సంబంధిత అధికారులతో కలిసి కలెక్టర్ క్షేత్రస్థాయిలో పరిశీలించారు. రోవర్ యంత్రాలు, డిజిటల్ పరికరాల ద్వారా సర్వే చేస్తున్న తీరును పరిశీలించి సూచనలు చేశారు.ఈ సందర్భంగా కలెక్టర్ మాట్లాడుతూ.. జీపీఓలు, పంచాయతీ కార్యదర్శి, వ్యవసాయ శాఖ అధికారులు రీ సర్వేపై గ్రామంలో రైతులకు ముందుగా సమాచారం అందించి అవగాహన కల్పించాలని సూచించారు. రైతులకు వారి భూముల వివరాలు తెలియజేసి సంతకాలు తీసుకోవాలని ఆదేశించారు. వ్యవసాయ, రెవెన్యూ, సర్వే శాఖ అధికారులు సమన్వయంతో సర్వేను పకడ్బందీగా పూర్తి చేయాలని తెలిపారు.ఈ కార్యక్రమంలో ఆర్డీఓ కేఎస్ బీ కుమారి, సర్వే అండ్ ల్యాండ్ రికార్డ్స్ ఏడీ శ్రీనివాస్, తహసీల్దార్ శ్రీలత తదితరులు పాల్గొన్నారు.