సేవాలాల్ మందిరంలో మాజీ మంత్రి పూజలు

సూర్య జగిత్యాల ప్రతినిధి:సారంగపూర్ మండలంలోని  ధర్మనాయక్ తండా సేవాలాల్ మందిరంలో పూజలో మాజీ మంత్రి బి ఆర్ ఎస్ పార్టీ రాష్ట్ర ప్రధాన కార్యదర్శి తాటిపర్తి జీవన్ రెడ్డి పాల్గొన్నారు. ఈ సందర్భంగా జీవన్ రెడ్డి మాట్లాడుతూ ఉమ్మడి రాష్ట్రంలో గిరిజనులకు రిజర్వేషన్లు 6% శాతం ఉంటే తెలంగాణ ప్రభుత్వం ఏర్పడిన తర్వాత కేసీఆర్  గిరిజనులకు 10 శాతం రిజర్వేషన్ ఇచ్చారు. తండాలన్నీ గ్రామపంచాయతీగా చేశారు.ఇక్కడ మీకు గ్రామం ఏర్పడి గ్రామపంచాయతీ చేయబట్టి మీ రోడ్లు మీ మురికి కాలువలు మీరు వేయించుకోగలిగారు అన్నారు. ఈ కార్యక్రమంలో సర్పంచులు సంతోష్, రమేష్,రమ భాస్కర్, మండల అధ్యక్షులు తేలు రాజు, సత్యం రావు,ఆకుల రాజిరెడ్డి, చిరంజీవి, ఆనంద్ రెడ్డి, గంగాధర్,రవి నాయక్,శేఖర్, శ్రీను, వివిధ హోదాలో ఉన్న నాయకులు కార్యకర్తలు పాల్గొన్నారు