సీఎం సభను ప్రతాప్ రెడ్డి అడ్డుకుంటాం అనడం సిగ్గుచేటు ముప్పు గ్రామాల కౌన్సిలర్లు..
గజ్వేల్ ; .సిద్దిపేటలో గురువారం నిర్వహించనున్న ముఖ్యమంత్రి రేవంత్ రెడ్డి భారీ బహిరంగ సభను అడ్డుకుంటమని గజ్వేల్ బీఆర్ఎస్ నియోజకవర్గ ఇన్చార్జి ప్రతాప్ రెడ్డి వ్యాఖ్యానించడం అవివేకమని ఆర్ అండ్ ఆర్ కాలనీ కాంగ్రెస్ కౌన్సిలర్లు తీవ్రంగా ఖండించారు. గజ్వేల్లో ఏర్పాటు చేసిన మీడియా సమావేశంలో వారు మాట్లాడుతూ పలు కీలక వ్యాఖ్యలు చేశారు మల్లన్న సాగర్ ముంపు గ్రామాల ప్రజలపై ప్రతాప్ రెడ్డి చూపిస్తున్న ప్రేమ అంతా కేవలం రాజకీయ డ్రామా అని, అది పూర్తిగా బూటకమని కౌన్సిలర్లు విమర్శించారుnగత పదేళ్ల బీఆర్ఎస్ ప్రభుత్వ హయాంలో ముంపు గ్రామాల ప్రజలకు ఎలాంటి మేలు జరగలేదని, ఇప్పుడు సభను అడ్డుకుంటామనడం హాస్యాస్పదంగా ఉందని అన్నారు,ప్రస్తుత ముఖ్యమంత్రి రేవంత్ రెడ్డి ముంపు గ్రామాల ప్రజలకు అన్ని విధాలా అండగా నిలుస్తున్నారని, వారి సమస్యల పరిష్కారానికి కృషి చేస్తున్నారని వారు స్పష్టం చేశారు.సీఎం రేవంత్ రెడ్డి నిర్వహించబోయే భారీ బహిరంగ సభను అడ్డుకోవాలని చూస్తే కాంగ్రెస్ పార్టీ శ్రేణులు, ప్రజలు ఎట్టి పరిస్థితుల్లోనూ సహించబోరని వారు హెచ్చరించారు*.
*ఈ సమావేశంలో ఆర్ అండ్ ఆర్ కాలనీ కాంగ్రెస్ కౌన్సిలర్లు గూగులోత్ రమేష్, ఉపేందర్ రెడ్డి,నరసింహారెడ్డి,విష్ణువర్ధన్ రెడ్డి, కాంగ్రెస్ పార్టీ పట్టణ అధ్యక్షులు కొండల్ రెడ్డి,నాయకులు గుంటుకు శ్రీనివాస్, సమీర్, ఉమేష్ యాదవ్ ,నరసింహ్మరెడ్డి ,కరుణాకర్ రెడ్డి ,అంజద్,ప్రమోద్ ,యాదగిరి,షషకిల్ ,జహంగీర్ ,హసన్ ,ముంపు గ్రామాల కాంగ్రెస్ నాయకులు తదితరులు పాల్గొన్నారు*