ఇందిరమ్మ కుటుంబ జీవిత బీమా పథకం అమలుకు పకడ్బందీ చర్యలు
మహబూబాబాద్ సూర్య ప్రతినిధి, మేజర్ న్యూస్,ఇందిరమ్మ కుటుంబ జీవిత బీమా పథకం అమలుకు జిల్లాలో పకడ్బందీ చర్యలు తీసుకోవాలని
జిల్లా కలెక్టర్ స్నేహ శబరిష్ అన్నారు.
బుధవారం కలెక్టరేట్ లో వీడియో కాన్ఫరెన్స్ సమావేశ మందిరం నుండి జిల్లాలోని ప్రత్యేక అధికారులు, మున్సిపల్ కమిషనర్లు, ఎంపీడీవోలు, తహసిల్దార్లతో జిల్లా కలెక్టర్ స్నేహ శబరిష్ పథకం అమలు తీసుకోవలసిన చర్యలపై వీడియో కాన్ఫరెన్స్ నిర్వహించారు.ఈ సందర్భంగా కలెక్టర్ మాట్లాడుతూ తెలంగాణ రాష్ట్ర ప్రభుత్వం అత్యంత ప్రతిష్టాత్మకంగా ప్రవేశపెట్టి అమలు చేయబోతున్న ఇందిరమ్మ కుటుంబ జీవిత బీమా పథకం అని ప్రతి కుటుంబానికి ఆర్థిక భరోసా ఇవ్వడం జరుగుతుందని,నేడు రాష్ట్రవ్యాప్తంగా ప్రారంభం కానున్న నేపథ్యంలో జిల్లాలో పకడ్బందీగా
ఈ పథకం అమలుకు చర్యలు పక్క ప్రణాళికతో ముందుకు సాగాలని ఎలాంటి పొరపాట్లు లేకుండా అధికారులు ప్రభుత్వం సూచించిన విధంగా జీవిత బీమాను అమలు చేయాలని, ప్రభుత్వం సూచించిన నియమ నిబంధనలు సవివరంగా క్లుప్తంగా అందరికీ వివరించారు.ప్రజలకు ఎలాంటి ఇబ్బందులు లేకుండా ముందస్తుగా విస్తృత ప్రచారం కల్పించి, క్యాంపులు ఏర్పాటు చేసి ఎవరు ఎప్పుడూ హాజరు అయ్యేవిధంగా రూట్ మ్యాప్ ఏర్పాటు చేయాలని అన్నారు. ప్రజల సందేహాలకు సమాధానాలు ఇవ్వాలని,ఏమైనా ఇబ్బందులు సమస్యలు ఏర్పడితే సంబంధిత మున్సిపల్, ఎంపీడీవో, గ్రామపంచాయతీ కార్యాలయలలో సంప్రదించాలన్నారు. ప్రభుత్వ సూచనల ప్రకారం అర్హులైన ప్రతి ఒక్కరికి పథకం అమలు కోసం ప్రత్యేక అధికారులను నియమించడం జరుగుతుందని, తెలిపారు.ఈ వీడియో కాన్ఫరెన్స్ సమావేశంలో అదనపు కలెక్టర్ రెవెన్యూ కె అనిల్ కుమార్, ఇన్చార్జి అదనపు కలెక్టర్ స్థానిక సంస్థలు హౌసింగ్ పిడి పురుషోత్తం, డిఆర్ఓ నాగలక్ష్మి, డిపిఓ రేవంత్, సంబంధిత అధికారులు తదితరులు పాల్గొన్నారు.
రిపోర్టర్ ,గొడుగు శీను ,మహబూబాద్ మహబూబాద్ జిల్లా