సమాజంలోని చెడును పారద్రోలి, ప్రజలకు రక్షణ కల్పిస్తున్నాం -జిల్లా ఎస్పీ డా. సంగ్రామ్ సింగ్ జి పాటిల్

 చెడుపై మంచి సాధించిన విజయానికి ప్రతీకగా విజయదశమి పండుగను జరుపుకుంటామని ,సమాజంలో చెడును పారద్రోలి, ప్రజలకు రక్షణ కల్పిస్తూ శాంతిభద్రతల పరిరక్షణ కోసం పోలీస్ శాఖ నిరంతరం కృషి చేస్తుందని జిల్లా ఎస్పీ డా. సంగ్రామ్ సింగ్ జి పాటిల్ తెలిపారు.  దుర్గాష్టమి పండుగను పురస్కరించుకుని ఆదివారం జిల్లా సాయుధ దళం (ఏఆర్) కార్యాలయంలో నిర్వహించిన ప్రత్యేక ఆయుధ పూజ కార్యక్రమంలో జిల్లా ఎస్పీ ముఖ్య అతిథిగా పాల్గొన్నారు. ఈ సందర్భంగా పోలీస్ శాఖకు చెందిన ఆయుధాలు, వాహనాలకు ఎస్పీ ప్రత్యేక పూజలు నిర్వహించారు.  జిల్లా ఎస్పీ మాట్లాడుతూ, పోలీస్ శాఖలో ప్రతి సంవత్సరం దసరా పండుగను పురస్కరించుకుని ఆయుధ పూజ నిర్వహించడం ఒక గొప్ప సంప్రదాయమని తెలిపారు. ప్రజల భద్రతే లక్ష్యంగా పోలీస్ అధికారులు, సిబ్బంది అంకితభావంతో విధులు నిర్వహించాలని  సూచించారు. జిల్లా ప్రజలకు, పోలీస్ అధికారులకు, సిబ్బందికి విజయదశమి శుభాకాంక్షలు తెలిపారు.  కార్యక్రమంలో అదనపు ఎస్పీ ఎన్. వెంకటేశ్వర్లు, నాగర్‌కర్నూల్ డీఎస్పీ శ్రీనివాస్, సీఐ అశోక్ రెడ్డి, రిజర్వ్ ఇన్‌స్పెక్టర్లు జగన్, రాఘవరావు, సబ్‌ ఇన్‌స్పెక్టర్లు, ఆర్మ్డ్ రిజర్వ్ పోలీస్ సిబ్బంది పాల్గొన్నారు.
పి.వినయ్ కుమార్,  నాగర్ కర్నూల్  క్రైమ్, సూర్య న్యూస్