రోగులకు మరింత మెరుగైన సేవలందిస్తాం. కల్వకుర్తి ప్రభుత్వ ఆసుపత్రికి కాయకల్ప అవార్డు. ఆసుపత్రి సూపరింటెండెంట్ డాక్టర్ శివరాం

కల్వకుర్తి సూర్య న్యూస్. ప్రభుత్వ ఆసుపత్రికి వచ్చే రోగులకు మరింత మెరుగైన సేవలు అందిస్తామని ఆసుపత్రి సూపరింటెండెంట్ డాక్టర్ శివరాం తెలిపారు.శనివారం ప్రభుత్వ ఆసుపత్రిలో విలేకరుల సమావేశంలో డాక్టర్ శివరాం మాట్లాడారు.రోగులకు మెరుగైన సేవలు అందించడంతోపాటు ఆసుపత్రిలో పరిశుభ్రతను పాటిస్తూ అందుబాటులో ఉన్న వనరులను సద్వినియోగం చేసుకున్నందుకు రాష్ట్రస్థాయి కాయకల్ప అవార్డు 88 శాతం స్కోర్ తో దక్కిందని తెలిపారు. ఈ అవార్డు రావడం పట్ల డాక్టర్ శివరాం హర్షం వ్యక్తం చేశారు. దీనికి సహకరించిన ఎమ్మెల్యే  ఆసుపత్రి చైర్మన్ కసిరెడ్డి నారాయణరెడ్డి, ఆసుపత్రి అభివృద్ధి సంఘం సభ్యులు, వైద్యులు, నర్సింగ్ సిబ్బంది, పేరా మెడికల్, శానిటేషన్ సిబ్బందికి ఆయన కృతజ్ఞతలు తెలిపారు. అదేవిధంగా ప్రతిరోజు ఆసుపత్రికి 450 నుంచి 600 వరకు ఓపి పేషెంట్లు, 40 నుంచి 50 వరకు ఇన్ పేషెంట్లు, 400లకు పైగా రక్త పరీక్షలు, నెలకు వందకు పైన కాన్పులు, 30 వరకు జనరల్ సర్జరీ కేసులు, 58 మంది డయాలసిస్ రోగులు, రక్త నిల్వ కేంద్రం వంటి సేవలు మన 50 పడకల ఆసుపత్రిలో జరుగుతున్నాయని అన్నారు. రక్త పరీక్షలకు సరిపడా ల్యాబ్ కెమికల్స్, సర్జికల్స్ ఎక్విప్మెంట్స్, ఇన్ పేషెంట్ సంబంధించి కే సీట్లు సప్లై లేకపోవడంతో బయటి నుంచి ఆర్డర్స్ పై కొనుగోలు చేయడం జరుగుతుందన్నారు, సకాలంలో హెచ్ డి స్ బడ్జెట్, ఆరోగ్యశ్రీ బడ్జెట్ రావడం లేదన్నారు. ఈ అంశంపై ఆస్పత్రి అభివృద్ధి సంఘం సమావేశంలో చర్చించి ఎమ్మెల్యే దృష్టికి తీసుకెళ్లగా వెంటనే స్పందించిన ఎమ్మెల్యే కసిరెడ్డి నారాయణ రెడ్డి ఈ విషయాన్ని రాష్ట్ర వైద్య ఆరోగ్య శాఖ మంత్రి దృష్టికి తీసుకెళ్లి త్వరగా సమస్యలు పరిష్కరిస్తానని చెప్పినట్లు డాక్టర్ శివరాం తెలిపారు. ఆసుపత్రిలో ఆరుగురు వైద్యులు, 8 మంది నర్సింగ్ సిబ్బంది కొరత ఉందన్నారు. 2026 జనవరి నుంచి అక్టోబర్ వరకు ఆసుపత్రిలో 1025 డెలివరీ లు చేయగా వాటిలో సాధారణ ప్రసవాలు 70 శాతం అయినట్లు ఆయన వెల్లడించారు. ఆస్పత్రిలో ప్రభుత్వం మరిన్ని సౌకర్యాలు కల్పించాల్సిన అవసరం ఉందని డాక్టర్ శివరాం పేర్కొన్నారు. ఈ సమావేశంలో వైద్యులు, సిబ్బంది తదితరులు ఉన్నారు.