రాష్ట్ర ప్రజలకు దీపావళి శుభాకాంక్షలు.... శాసన మండలి చైర్మన్ గుత్తా సుఖేందర్ రెడ్డి.
నల్గొండ జిల్లా బ్యూరో, మేజర్ న్యూస్....
దీపావళి పర్వదినాన్ని పురస్కరించుకుని తెలంగాణ రాష్ట్ర ప్రజలందరికీ తెలంగాణ శాసన మండలి చైర్మన్ గుత్తా సుఖేందర్ రెడ్డి శుభాకాంక్షలు తెలిపారు.ఈ సందర్భంగా ఆయన మాట్లాడుతూ..."చీకటిని పారద్రోలి వెలుగులను నింపే దీపావళి పండుగ మన సంస్కృతి, సంప్రదాయాలకు ప్రతీకనని, చెడుపై మంచి, అధర్మంపై ధర్మం సాధించిన విజయానికి సంకేతంగా జరుపుకునే ఈ పర్వదినం ప్రతి ఒక్కరి జీవితంలో సరికొత్త వెలుగులను నింపాలని ఆకాంక్షిస్తున్నట్లు ఆయన తెలిపారు.
తెలంగాణ రాష్ట్రం అన్ని రంగాల్లో మరింత అభివృద్ధి సాధించాలని, రైతులు సుభిక్షంగా ఉండాలని, పాడిపంటలతో గ్రామాలు కళకళలాడాలని, ప్రతి కుటుంబం సుఖసంతోషాలతో, ఆయురారోగ్యాలతో, అష్టైశ్వర్యాలతో వర్ధిల్లాలని భగవంతుడిని ప్రార్థిస్తున్నట్లు వివరించారు
దీపావళి వేడుకల్లో పర్యావరణ పరిరక్షణకు ప్రాధాన్యత ఇవ్వాలని, కాలుష్యాన్ని తగ్గించే విధంగా పండుగను జరుపుకోవాలని, ముఖ్యంగా చిన్నారులు, వృద్ధుల భద్రతను దృష్టిలో ఉంచుకుని తగిన జాగ్రత్తలు పాటించాలని విజ్ఞప్తి చేశారు.
