రామచంద్రారెడ్డి నగర్ లో కన్నుల పండుగగా బతుకమ్మ పండుగ

రామచంద్రపురం;రామచంద్రాపురం డివిజన్ పరిధిలోని రామచంద్రారెడ్డి నగర్ కాలనీలో ఆదివారం రాత్రి సద్దుల బతుకమ్మ పండుగ అంగరంగ వైభవంగా  జరుపుకున్నారు. రామచంద్రారెడ్డి నగర్ కాలనీ వెల్ఫేర్ అసోసియేషన్ ఆధ్వర్యంలో మాజీ కార్పొరేటర్ పుష్ప నగేష్ సహాయ సహకారాలతో బతుకమ్మ సంబరాలు ఎంతో వైభవంగా నిర్వహించారు. రాయ సముద్రం చెరువు బతుకమ్మ ఘాట్ వద్ద కాశీ నుండి వచ్చిన సాధువులచే మహా గంగా హారతి కార్యక్రమం నిర్వహించారు ఈ కార్యక్రమాన్ని చూడడానికి చుట్టుపక్కల నుండి అనేక కాలనీల మహిళలు, ప్రజలు తరలివచ్చారు. ఉత్తమ బతుకమ్మలకు మాజీ కార్పొరేటర్ పుష్ప నగేష్ సొంతంగా బహుమతులను అందజేశారు. మొదటి బహుమతి ఉషా రాణి, రెండో బహుమతి మల్లిక, మూడో బహుమతి కళ్యాణి దక్కించుకున్నారు. బతుకమ్మ ఆటల పాటలతో పాటు మహిళలు చిన్నారులు దాండియా నృత్యాలతో అలరించారు. ఈ కార్యక్రమంలో రాష్ట్ర మహిళా కమిషన్ సభ్యురాలు శశికళ యాదవ రెడ్డి, కాలనీ సంక్షేమ సంఘం అధ్యక్షులు మల్లారెడ్డి ప్రధాన కార్యదర్శి విశ్వనాథ్ రావు, కోశాధికారి మహిపాల్ రెడ్డి అసోసియేషన్ సభ్యులు, కాలనీవాసులు పాల్గొన్నారు.