telangana
ప్రమాదాల నివారణకు స్పీడ్ బ్రేకర్లు ఏర్పాటు
సూర్య, పెంచికల్పేట్: మండలంలోని ఎల్కపల్లి గ్రామపంచాయతీ పరిధిలోని ప్రధాన రహదారిపై వాహనాల వేగాన్ని నియంత్రించేందుకు గ్రామపంచాయతీ ఆధ్వర్యంలో స్పీడ్ బ్రేకర్లు ఏర్పాటు చేశారు. గ్రామంలో వాహనాలు అధిక వేగంతో ప్రయాణిస్తుండటంతో ప్రమాదాలు జరిగే అవకాశం ఉన్న నేపథ్యంలో ప్రజల భద్రతను దృష్టిలో ఉంచుకొని ఈ చర్యలు చేపట్టారు. ఈ సందర్భంగా సర్పంచ్ భక్తు రాంచందర్ మాట్లాడుతూ రోడ్డు ప్రమాదాల నివారణకు, ప్రజల భద్రతకు గ్రామపంచాయతీ ప్రాధాన్యతనిస్తూ అవసరమైన చర్యలు తీసుకుంటున్నట్లు తెలిపారు. వాహనదారులు స్పీడ్ బ్రేకర్ల వద్ద వేగాన్ని తగ్గించి అప్రమత్తంగా ప్రయాణించాలని సూచించారు. ఈ కార్యక్రమంలో పంచాయతీ కార్యదర్శి తలండి విజయ్ కుమార్ పాల్గొన్నారు.