ప్రజాస్వామ్య పరిరక్షణ కాంగ్రెస్‌తోనే సాధ్యం టీపీసీసీ అధ్యక్షుడు మహేష్ కుమార్ గౌడ్
సూర్య, తెలంగాణ బ్యూరో ప్రతినిధి: ప్రజాస్వామ్య పరిరక్షణ కోసం రాహుల్ గాంధీ చేస్తున్న పోరాటంలో ప్రతి ఒక్కరూ భాగస్వాములు కావాలని టీపీసీసీ అధ్యక్షులు, ఎమ్మెల్సీ మహేష్ కుమార్ గౌడ్ పిలుపునిచ్చారు. ఢిల్లీలోని తెలంగాణ భవన్ వద్ద ఇండియా కూటమి ఆధ్వర్యంలో నిర్వహించనున్న మెగా ర్యాలీకి తరలివచ్చిన తెలంగాణ కాంగ్రెస్ నాయకులు, కార్యకర్తలను ఉద్దేశించి ఆయన ప్రసంగించారు. ప్రజాస్వామ్యాన్ని కాపాడాలనే సంకల్పంతో ఢిల్లీకి తరలివచ్చిన కాంగ్రెస్ నాయకులు, కార్యకర్తలందరికీ హృదయపూర్వక అభినందనలు, కృతజ్ఞతలు తెలిపారు. పార్టీ కార్యకర్తల సేవలను అభినందిస్తూ ప్రతి ఒక్కరికీ చేతులెత్తి నమస్కరిస్తున్నానని పేర్కొన్నారు. ఇండియా కూటమి నిర్వహించనున్న మెగా ర్యాలీని విజయవంతం చేసేందుకు కాంగ్రెస్ శ్రేణులంతా ఐక్యంగా కృషి చేయాలని కోరారు. ప్రజాస్వామ్య పరిరక్షణే లక్ష్యంగా రాహుల్ గాంధీ చేస్తున్న పోరాటానికి అండగా నిలవాలని, ఈ ఉద్యమంలో ప్రతి కార్యకర్త క్రియాశీలకంగా పాల్గొనాలని మహేష్ కుమార్ గౌడ్ పిలుపునిచ్చారు.
ఎ.రవీందర్‌, హైదరాబాద్‌.
