ప్రైవేట్ బస్సు ప్రమాదంలో యువకుడు మృతి..

సూర్య రాజంపేట :రాజంపేట మండల కేంద్రానికి చెందిన కోన శ్రీకాంత్ గత నెల 29న ప్రైవేట్ బస్సు ఢీకొట్టడంతో తీవ్రంగా గాయపడ్డాడు. ప్రమాదంలో గాయపడిన అతడిని మెరుగైన వైద్యం కోసం హైదరాబాద్‌లోని కొంపల్లికి తరలించారు. అక్కడి ఆసుపత్రిలో చికిత్స పొందుతున్న శ్రీకాంత్ బుధవారం మృతి చెందాడు. మృత్యువుతో పోరాడి యువకుడు కన్నుమూయడంతో కుటుంబ సభ్యులు కన్నీరుమున్నీరయ్యారు. శ్రీకాంత్ మృతితో రాజంపేట గ్రామంలో విషాద ఛాయలు అలుముకున్నాయి. గ్రామస్థులు అతడి మృతిపట్ల తీవ్ర దిగ్భ్రాంతి వ్యక్తం చేశారు.