తుర్కయంజాల్‌లో నాలా ఆక్రమణపై హైడ్రా చర్యలు.
మేజర్ న్యూస్, తుర్కయంజాల్. : .నాలా ఆక్రమణలతో వర్షపు నీరు కాలనీల్లోకి చేరి ప్రజలు ఇబ్బందులు పడుతున్న నేపథ్యంలో హైడ్రా అధికారులు స్పందించారు. ఆదిభట్ల సర్కిల్ పరిధిలోని తుర్కయంజాల్ డివిజన్ పాటిగూడ సర్వే నంబర్ 325లో ఉన్న నాలాను జేసీబీతో పూడికతీత చేపట్టారు.సర్వే నంబర్ 324లోని ఏడు గుంటల ప్రభుత్వ భూమి ఆక్రమణపై కూడా అధికారులు క్షేత్రస్థాయిలో పరిశీలించారు. ప్రభుత్వ భూమికి హద్దులు నిర్ణయించాలని అబ్దుల్లాపూర్‌మెట్ తహసీల్దార్‌కు ఆదేశాలు జారీ చేశారు.
శ్రీశ్రీ విహార్ వెల్ఫేర్ అసోసియేషన్, గంగాధర, కేఎస్ఆర్ కాలనీల వాసుల ఫిర్యాదు మేరకు హైడ్రా సీఐ సైదులు, ఇరిగేషన్ ఏఈ భాగ్యలక్ష్మి తదితరులు ఈ చర్యలు చేపట్టారు. నాలా ఆక్రమణలతో వర్షపు నీరు వెళ్లే మార్గం లేక డ్రైనేజీలు పొంగిపొర్లుతున్నాయని కాలనీవాసులు ఆవేదన వ్యక్తం చేశారు. సమస్యపై స్పందించి చర్యలు తీసుకున్న అధికారులకు కృతజ్ఞతలు తెలిపారు.
ఎడ్ల వెంకటేష్ గౌడ్, మేజర్ న్యూస్, తుర్కయంజాల్.
