హృదయ విదారక సన్నివేశం..*స్మశాన వాటికకు పోటెత్తిన దొంతికుంట వరద.. రెండు శవాలకు అంత్యక్రియలకు అడ్డంకి*

సూర్యఅశ్వారావుపేట,అశ్వారావుపేటలో కురుస్తున్న భారీ వర్షం హృదయ విదారక సన్నివేశానికి కారణమైంది. దొంతికుంట వరద నీరు ఉధృతంగా ప్రవహించి స్మశాన వాటికను ముంచెత్తడంతో అక్కడ విషాద ఛాయలు అలుముకున్నాయి.

చనిపోయిన తమ వారికి చివరి వీడ్కోలు పలకడానికి వచ్చిన రెండు కుటుంబాలు నిస్సహాయంగా నిలబడిపోయాయి. రెండు శవాలకు అంత్యక్రియలు నిర్వహించేందుకు స్మశాన వాటికలోకి వెళ్లే దారి పూర్తిగా వరద నీటిలో మునిగిపోవడంతో అంత్యక్రియలకు అడ్డంకి ఏర్పడింది.

గంటల తరబడి వర్షంలోనే బంధువులు, గ్రామస్తులు,అనాధ ఆశ్రమంలో మరణించిన వృద్ధుడు  శవాలతో స్మశానం వద్ద వేచి చూస్తూ ఉండిపోయారు. వరద తగ్గుతుందేమోనని ఎదురుచూసినా వర్షం తగ్గకపోవడంతో వర్షం లోనే అంత్యక్రియలు నిర్వహించారు. .

చివరకు గ్రామ పెద్దలు, స్థానికుల సహాయంతో ఎంతో కష్టం మీద, మోకాళ్ల లోతు నీటిలో నడుచుకుంటూ వెళ్లి అంత్యక్రియలు పూర్తి చేశారు.

సూర్య రిపోర్టర్ మునీర్ అశ్వరావుపేట