అధైర్య పడొద్దు.. అనునిత్యం మీ సేవలోనే ఉంటాం - జూపల్లి రమేష్ బాబు*

సూర్య,అశ్వారావుపేట అశ్వారావుపేట పట్టణంలో కురుస్తున్న భారీ వర్షాలకు వీధులు, కాలనీలు నీటితో నిండిపోయి ప్రజలు ఆందోళనకు గురవుతున్న నేపథ్యంలో మున్సిపల్ వైస్ చైర్మన్ *జూపల్లి రమేష్ బాబు* ప్రజలకు భరోసా కల్పించారు.

*"అధైర్య పడొద్దు.. అనునిత్యం మీ సేవలోనే ఉంటాం"* అని ఆయన ప్రజలకు భరోసా ఇచ్చారు.

నీరు నిలిచిన ప్రాంతాల్లో నీటిని తొలగించేందుకు మున్సిపల్ సిబ్బందిని అప్రమత్తం చేశారు.

ఈ సందర్భంగా జూపల్లి రమేష్ బాబు మాట్లాడుతూ.. "భారీ వర్షాల వల్ల ఇబ్బంది పడుతున్న ప్రజలకు అండగా ఉంటాం. సమస్యాత్మక ప్రదేశాల్లో సత్వర చర్యలు తీసుకుంటున్నాం. అధికార యంత్రాంగం రెవిన్యూ సిబ్బంది, మున్సిపల్ సిబ్బంది, విద్యుత్ శాఖ, పోలీస్ శాఖ, అన్ని శాఖలు పూర్తిగా అప్రమత్తంగా ఉంది. ప్రజలు ఎవరూ భయపడాల్సిన అవసరం లేదు" అని తెలియజేశారు.

ఇంకా విస్తృత సేవలు అందించడానికి సిద్ధంగా ఉన్నామని, ఎక్కడైనా సమస్య ఉంటే వెంటనే తమ దృష్టికి తీసుకురావాలని ఆయన ప్రజలను కోరారు.

సూర్య రిపోర్టర్ మునీర్ అశ్వరావుపేట