పిడుగుపాటుతో ఇల్లు ధ్వంసం-పరిశీలించిన సర్పంచ్ కుమారస్వామి

భీమదేవరపల్లి, మేజర్ న్యూస్, భీమదేవరపల్లి మండల కేంద్రంలో శనివారం అర్ధరాత్రి కురిసిన వర్షానికి లింగం మొగిలి నివాసంపై పిడుగుపడటంతో ఇల్లు తీవ్రంగా దెబ్బతింది. విషయం తెలుసుకున్న సర్పంచ్‌ మాచర్ల కుమారస్వామి ఆదివారం బాధిత కుటుంబాన్ని పరామర్శించి, ఇంటికి జరిగిన నష్టాన్ని పరిశీలించారు. ఘటన వివరాలను సంబంధిత అధికారుల దృష్టికి తీసుకెళ్లి, బాధిత కుటుంబానికి ప్రభుత్వపరంగా ఆర్థిక సాయం అందేలా కృషి చేస్తానని హామీ ఇచ్చారు. స్పందించిన రెవెన్యూ అధికారులు క్షేత్రస్థాయిలో ఇంటిని పరిశీలించి నష్టాన్ని అంచనా వేస్తామని, ప్రభుత్వ నిబంధనల ప్రకారం నష్టపరిహారం అందించేందుకు చర్యలు తీసుకుంటామని ఎమ్మార్వో రాజేష్ తెలిపారు. ఈ కార్యక్రమంలో ఉప సర్పంచ్‌ శనిగరం ఐలయ్య తదితరులు పాల్గొన్నారు.

రిపోర్టర్; రామకృష్ణ, భీమదేవరపల్లి, హనుమకొండ జిల్లా