telangana
హైదరాబాద్‌కు కేంద్ర హోంమంత్రి అమిత్ షా.. చార్మినార్ భాగ్యలక్ష్మి ఆలయ దర్శనం, భారీ పాదయాత్ర
హైదరాబాద్:కేంద్ర హోంశాఖ మంత్రి అమిత్ షా ప్రత్యేక విమానంలో హైదరాబాద్‌లోని బేగంపేట్ విమానాశ్రయానికి చేరుకున్నారు. విమానాశ్రయంలో ఆయనకు కేంద్ర మంత్రి జి.కిషన్ రెడ్డి, బీజేపీ రాష్ట్ర అధ్యక్షుడు ఎన్.రాంచందర్ రావులతో పాటు పలువురు పార్టీ ముఖ్య నేతలు, భారీ సంఖ్యలో కార్యకర్తలు ఘన స్వాగతం పలికారు.
ఎయిర్‌పోర్ట్ నుండి అమిత్ షా నేరుగా చార్మినార్ వద్ద ఉన్న శ్రీ భాగ్యలక్ష్మి అమ్మవారి ఆలయానికి చేరుకుని ప్రత్యేక పూజలు నిర్వహించనున్నారు. అనంతరం బేగంపేట్‌లోని ఐటీసీ కాకతీయ హోటల్‌లో పార్టీ ముఖ్య నాయకులతో సమావేశం కానున్నారు.
సాయంత్రం బషీర్‌బాగ్ (బాబు జగ్జీవన్ రామ్ విగ్రహం) నుంచి ఎంజే మార్కెట్ వరకు తెలంగాణ బీజేపీ ఆధ్వర్యంలో నిర్వహించనున్న ‘మహా పాదయాత్ర’లో అమిత్ షా పాల్గొననున్నారు.
