andhrapradesh
నెల్లూరు సముద్రంలో అల్లకల్లోలం
నెల్లూరు:బంగాళాఖాతంలో ‘మురసు’ తీవ్ర తుఫాను ప్రభావంతో నెల్లూరు జిల్లా తీరప్రాంతంలో సముద్రం తీవ్ర అల్లకల్లోలంగా మారింది.
జువ్వలదిన్నె ఫిషింగ్ హార్బర్ సమీపంలో ప్రమాదంలో చిక్కుకున్న పడవను గమనించిన స్థానిక మత్స్యకారులు వెంటనే స్పందించారు. ప్రాణాలకు తెగించి స్థానికుల సహకారంతో పాత కడపాలి వద్ద బాధితులను క్షేమంగా తీరానికి చేర్చారు. సురక్షితంగా బయటపడిన వారంతా బాపట్ల జిల్లా నిజాంపట్నం తీరప్రాంతానికి చెందిన మత్స్యకారులుగా అధికారులు ధృవీకరించారు. తుఫాను ముప్పు పొంచి ఉన్నందున మత్స్యకారులెవరూ సముద్రంలోకి వేటకు వెళ్లవద్దని జిల్లా యంత్రాంగం మరోసారి తీవ్ర హెచ్చరికలు జారీ చేసింది.
