ఫ్యాన్‌ గుర్తుపై ఓటేసి వైసీపీ అభ్యర్థులను గెలిపించండి దక్షిణ చిరువోలులంక సెగ్మెంట్‌లో మాజీ ఎమ్మెల్యే సింహాద్రి రమేష్‌బాబు ప్రచారం
అవనిగడ్డ, మేజర్ న్యూస్: స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థులను గెలిపించాలని కోరుతూ మాజీ ఎమ్మెల్యే, పార్టీ నియోజకవర్గ సమన్వయకర్త సింహాద్రి రమేష్‌బాబు ప్రచారం నిర్వహించారు. అవనిగడ్డ మండలం దక్షిణ చిరువోలులంక సెగ్మెంట్‌ పరిధిలోని రామకోటిపురంలో సోమవారం జడ్పీటీసీ అభ్యర్థిని చింతలపూడి శ్రీలక్ష్మి, ఎంపీటీసీ అభ్యర్థి తోట జగన్‌తో కలిసి ఇంటింటి ప్రచారం చేశారు. ఫ్యాన్‌ గుర్తుపై ఓటు వేసి అభ్యర్థులను అత్యధిక మెజారిటీతో గెలిపించాలని ఓటర్లను కోరారు.ఈ సందర్భంగా జడ్పీటీసీ అభ్యర్థిని చింతలపూడి శ్రీలక్ష్మి మాట్లాడుతూ తనను గెలిపిస్తే మండల అభివృద్ధికి కృషి చేస్తానని హామీ ఇచ్చారు.కూటమి ప్రభుత్వం అధికారంలోకి వచ్చిన తర్వాత నిత్యావసర వస్తువుల ధరలు పెరిగాయని విమర్శించారు. గత వైసీపీ ప్రభుత్వ హయాంలో వైఎస్‌ జగన్‌మోహన్‌రెడ్డి అనేక సంక్షేమ పథకాలను అమలు చేశారని పేర్కొంటూ, జడ్పీటీసీ, ఎంపీటీసీ ఎన్నికల్లో ఫ్యాన్‌ గుర్తుపై ఓటు వేసి పార్టీ అభ్యర్థులను గెలిపించాలని విజ్ఞప్తి చేశారు.కార్యక్రమంలో వైసీపీ నాయకులు, పార్టీ అనుబంధ విభాగాల ప్రతినిధులు, కార్యకర్తలు, స్థానిక గ్రామస్థులు పాల్గొన్నారు.
✍️అజంతా శ్రీనివాస్, అవనిగడ్డ, కృష్ణాజిల్లా.
