ఫ్లాష్ వాక్ కార్యక్రమం ద్వారా సైబర్ నేరాలపై అవగాహన-ఆత్మకూరు సిఐ జి. బాబులాల్

ఆత్మకూరు, మేజర్ న్యూస్,  ఆత్మకూరు మండల కేంద్రంలో సైబర్ నేరాల నివారణలో భాగంగా ఫ్లాష్ వాక్ కార్యక్రమం నిర్వహించారు .ఆగండి ఆలోచించండి అడుగు వేయండి అనే నినాదంతో ప్రజలకు సైబర్ నేరాలపై అవగాహన కల్పించారు ఈ సందర్భంగా సిఐ జి బాబులాల్ మాట్లాడుతూ ప్రజలు సైబర్ నేరాల బారిన పడకుండా అప్రమత్తంగా ఉండాలని, గుర్తు తెలియని వ్యక్తులకు తమ ఓటీపీల వివరాలను వెల్లడించవద్దని, ఆన్లైన్ గేమ్ ల కు దూరంగా ఉండాలని సూచించారు. అలాగే డిజిటల్ అరెస్ట్ అనేది చట్టంలో లేదని ఎవరైనా డిజిటల్ అరెస్ట్ పేరుతో బెదిరింపులకు పాల్పడితే భయపడకుండా అప్రమత్తంగా ఉండాలని తెలిపారు సైబర్ మోసానికు గురైన వెంటనే ఆలస్యం చేయకుండా సైబర్ క్రైమ్ టోల్ ఫ్రీ నంబర్ 1930 కు కాల్ చేయాలని ప్రజలకు సూచించారు .కార్యక్రమంలో సుమారుగా 80 మంది గ్రామస్తులతో పాటు ఎస్ఐ లక్ష్మీనారాయణ హెడ్ కానిస్టేబుల్ లు కుమారస్వామి, నరసింగరావు, కానిస్టేబుల్ లు కరణ్  శ్రీనివాస్ ఇతర పోలీస్ సిబ్బంది పాల్గొన్నారు

రిపోర్టర్: శ్రీనివాస్ ,ఆత్మకూరు హనుమకొండ జిల్లా