telangana
ఫీజుల వివరాలు ప్రకటించాకే విద్యాశాఖలో విలీనం చేయాలి
సూర్య కరీంనగర్ : పాఠశాలలు, జూనియర్ కళాశాలల ఫీజుల వివరాలు ప్రకటించిన తర్వాతే ఇంటర్ విద్యను పాఠశాల విద్యాశాఖలో విలీనం చేయాలని బీసీ సంక్షేమ సంఘం జిల్లా అధ్యక్షుడు నాగుల కనకయ్య గౌడ్, ప్రధాన కార్యదర్శి దొగ్గలి శ్రీధర్ డిమాండ్ చేశారు. కరీంనగర్లోని భాగ్యనగర్ బీసీ సంక్షేమ సంఘం కార్యాలయంలో నిర్వహించిన సమావేశంలో వారు మాట్లాడుతూ, ప్రైవేట్ విద్యాసంస్థలు ఫీజుల వివరాలు, విద్యార్థులకు కల్పించే సౌకర్యాలను బహిర్గతం చేయాలని అన్నారు. ప్రభుత్వం జారీ చేసిన జీవో నంబర్ 1లోని 16, 18 నిబంధనలను పాఠశాలలు తప్పనిసరిగా పాటించాలని సూచించారు. ఎల్కేజీ నుంచి పదో తరగతి వరకు ఫీజుల వివరాలు తెలిపే బోర్డులు ఏర్పాటు చేసి, పాఠశాలలు జీవో నంబర్ 1, కళాశాలలు జీవో నంబర్ 29 ప్రకారం అనుమతులు పొందిన తర్వాతే 10+2 విద్యావిధానంలో ఇంటిగ్రేటెడ్ పాఠశాలలుగా మార్చేందుకు ప్రభుత్వం అనుమతులు ఇవ్వాలని కోరారు.