ఘనంగా కార్తీక శుద్ధ ఏకాదశి భజన కార్యక్రమం. 26 ఏళ్లుగా భక్తిశ్రద్ధలతో శ్రీ మహావిష్ణువుకు ప్రత్యేక పూజలు.
కోహీర్, ; కార్తీక శుద్ధ ఏకాదశి పర్వదినాన్ని పురస్కరించుకొని కోహీర్ మండలం చింతల్గట్టు గ్రామంలో భక్తిశ్రద్ధలతో భజన కార్యక్రమం నిర్వహించారు. శుక్రవారం గ్రామానికి చెందిన విలేఖరి సంగన్న పాటిల్ నివాసంలో శ్రీ మహావిష్ణువుకు ప్రత్యేక పూజలు నిర్వహించి, భజనలు, భక్తి కీర్తనలు, నామస్మరణతో ఆధ్యాత్మిక వాతావరణాన్ని నెలకొల్పారు.ఈ కార్యక్రమానికి జహీరాబాద్ మండల పరిధిలోని రాయిపల్లి (డి) గ్రామ భజన మండలి సభ్యులు చింతల గట్టు భజన మండలి ఉగ్గేల్లి హార్మోని పంతులు భజన భక్తులందరూ సంగన్న పాటిల్ ఆహ్వానం మేరకు హాజరై భక్తి పాటలు, కీర్తనలతో భగవంతుడిని స్మరించారు. కార్తీక శుద్ధ ఏకాదశి రోజున శ్రీమహావిష్ణువు యోగనిద్ర నుంచి మేల్కొంటారని పురాణ ప్రతీతి. ఈ పవిత్రమైన రోజున స్వామివారి నామస్మరణ చేయడం ఎంతో పుణ్యప్రదమని భక్తుల విశ్వాసం.కాగా, సంగన్న పాటిల్ గత సంవత్సరాలుగా ప్రతి ఏటా కార్తీక శుద్ధ ఏకాదశి సందర్భంగా తన నివాసంలో శ్రీమహావిష్ణువుకు ప్రత్యేక పూజలు, భజన కార్యక్రమాలు నిర్వహిస్తూ భక్తి సంప్రదాయాన్ని కొనసాగిస్తున్నారు. అనంతరం కార్యక్రమానికి హాజరైన భక్తులు, అతిథులకు తీర్థప్రసాదాలతో పాటు అన్నదానం ఏర్పాటు చేశారు.
భక్తి భావంతో సాగిన ఈ కార్యక్రమం గ్రామంలో ఆధ్యాత్మిక సందడిని నింపింది.