telangana
కుకునూరులో యువకుడిపై దాడి.. బాధితుడిని పరామర్శించిన ఎమ్మార్పీఎస్ నాయకులు
సూర్య వేల్పూరు : వేల్పూర్ మండలంలోని కుకునూరు గ్రామంలో మాదిగ సామాజిక వర్గానికి చెందిన దాసరి గణేష్ అనే యువకుడిపై అదే గ్రామానికి చెందిన కొందరు యువకులు దాడి చేసినట్లు సమాచారం. ఈ ఘటనలో తీవ్రంగా గాయపడిన గణేష్ అస్వస్థతకు గురికావడంతో ఆర్మూర్ ఆసుపత్రిలో చికిత్స పొందుతున్నాడు.విషయం తెలుసుకున్న ఎమ్మార్పీఎస్ వేల్పూర్ మండల నాయకులు ఆర్మూర్ ఆసుపత్రికి వెళ్లి బాధితుడు దాసరి గణేష్ను పరామర్శించారు. ఆయన ఆరోగ్య పరిస్థితిని అడిగి తెలుసుకున్నారు. అనంతరం పోలీస్ స్టేషన్లో ఫిర్యాదు చేసినట్లు తెలిపారుఈ సందర్భంగా ఎమ్మార్పీఎస్ వేల్పూర్ మండల ఇన్చార్జి బక్కోల ప్రశాంత్ కుమార్, మాజీ మండల అధ్యక్షుడు తెడ్డు శివరాజ్ మాదిగ మాట్లాడుతూ.యువకుడిపై దాడి చేసిన ఘటనను ఖండించారు. బాధితుడికి న్యాయం చేయాలని, దాడికి పాల్పడిన వారిని గుర్తించి వారిపై చట్టపరమైన చర్యలు తీసుకోవాలని సంబంధిత అధికారులను డిమాండ్ చేశారు. బాధిత కుటుంబానికి న్యాయం జరిగే వరకు అండగా ఉంటామని తెలిపారు.