పీసీసీ అధ్యక్షుడు మహేష్ కుమార్ గౌడ్ కు దీపావళి శుభాకాంక్షలు తెలిపిన కాంగ్రెస్ నాయకులు
అంబర్ పేట్, మేజర్ న్యూస్ : దీపావళి పండుగను పురస్కరించుకుని పీసీసీ అధ్యక్షుడు మహేష్ కుమార్ గౌడ్‌ను పీసీసీ ప్రధాన కార్యదర్శి నాగభూషణం, కాంగ్రెస్ పార్టీ ఖైరతాబాద్ జిల్లా ప్రధాన కార్యదర్శి తొలుపునూరి కృష్ణ గౌడ్, దిలీప్ కుమార్ నేత తదితర కాంగ్రెస్ నాయకులు మర్యాద పూర్వకంగా కలిసి దీపావళి పండుగ శుభాకాంక్షలు తెలిపారు. ఈ సందర్భంగా మహేష్ కుమార్ గౌడ్ మాట్లాడుతూ.. దీపావళి పండుగ చీకటిపై వెలుగు, చెడుపై మంచి సాధించిన విజయానికి ప్రతీకగా నిలుస్తుందని పేర్కొన్నారు. ప్రతి ఒక్కరి జీవితాల్లో దీపావళి కొత్త వెలుగులు నింపాలని, ప్రజలందరూ సుఖసంతోషాలతో, ఆనందోత్సాహాలతో పండుగను జరుపుకోవాలని ఆకాంక్షించారు. సమాజంలో ప్రేమ, ఐక్యత మరింత బలపడాలని, ప్రతి కుటుంబంలో సంతోషాలు వెల్లివిరియాలని ఆకాంక్షించారు.
దీపావళి పండుగ ప్రజల మధ్య పరస్పర ప్రేమాభిమానాలను పెంపొందించే పండుగ అని, ఇటువంటి పండుగలు సామాజిక ఐక్యతకు దోహద పడతాయన్నారు. తెలంగాణ రాష్ట్రం అన్ని రంగాల్లో అభివృద్ధి చెందుతుందని తెలిపారు .
