పేదలకు అండగా ప్రజా ప్రభుత్వం.. అర్హులందరికీ ఇందిరమ్మ ఇళ్లు: సీడీసీ చైర్మన్ గడీల రాంరెడ్డి

సదాశివపేట ; సదాశివపేట మండలం మాచిరెడ్డిపల్లి గ్రామంలో రెండో విడత ఇందిరమ్మ ఇళ్ల నిర్మాణాలకు నిర్వహించిన భూమి పూజ కార్యక్రమంలో సీడీసీ చైర్మన్ గడీల రాంరెడ్డి లబ్ధిదారులతో కలిసి పాల్గొన్నారు. ఈ సందర్భంగా ఆయన మాట్లాడుతూ.. ఇందిరమ్మ ఇళ్ల నిర్మాణంలో లబ్ధిదారులకు ఏవైనా ఇబ్బందులు ఎదురైతే తమ దృష్టికి తీసుకురావాలని సూచించారు. ఇంకా ఎవరైనా అర్హులైన పేదలు ఉంటే వారి వివరాలను తెలియజేయాలని, అర్హులందరికీ ఇందిరమ్మ ఇళ్లు అందించేందుకు ప్రజా ప్రభుత్వం కట్టుబడి ఉందని తెలిపారు. పేదల సంక్షేమమే లక్ష్యంగా ప్రభుత్వం పనిచేస్తోందని పేర్కొన్నారు.గ్రామ సర్పంచ్ మోహన్ గౌడ్ ఆధ్వర్యంలో నిర్వహించిన ఈ కార్యక్రమంలో సదాశివపేట బ్లాక్ కాంగ్రెస్ అధ్యక్షుడు సిద్ధన్న, జిల్లా సేవాదళ్ అధ్యక్షుడు కరణం సందీప్, మండల పార్టీ అధ్యక్షుడు ఒగ్గు శ్రీనివాస్, హౌసింగ్ ఏఈ రేష్మ, పంచాయతీ కార్యదర్శి నరసింహులు, వివిధ గ్రామాల సర్పంచులు మల్లేశం, దేవిసింగ్, రాములమ్మ, లక్ష్మయ్య పాల్గొన్నారు.అలాగే మండల బీసీ సెల్ అధ్యక్షుడు బసవరాజ్, కిసాన్ సెల్ అధ్యక్షుడు సత్యనారాయణ, ఉపసర్పంచ్ కిష్టమ్మ, వార్డు సభ్యులు కవిత, మంజుల, శివలీల, లక్ష్మయ్య, రమేష్, శేఖర్, గ్రామ పెద్దలు రియాజ్, సుధాకర్, జమీల్, జలీల్, యాదయ్య, కుమార్, విజయ్ కుమార్, అఫ్జల్, మల్లేశం, శీను, నర్సింలు, జగదీష్ తదితరులు పాల్గొన్నారు.