పేద కుటుంబానికి అండగా పట్టణ కాంగ్రెస్ అధ్యక్షులు అత్తు ఇమామ్

సిద్దిపేట అర్బన్,  : ప్రజల కష్టాల్లో పాలుపంచుకోవడం.. ఆపదలో ఉన్నవారికి అండగా నిలవడం.. పేద కుటుంబాలకు ఆత్మగౌరవంతో జీవించే మార్గం చూపడమే నిజమైన ప్రజాసేవకు నిదర్శనం. పదవులతో సంబంధం లేకుండా ప్రజల మధ్య ఉంటూ, కష్టాల్లో ఉన్నవారికి నేనున్నానంటూ భరోసా కల్పిస్తున్నారు పట్టణ కాంగ్రెస్ అధ్యక్షులు అత్తు ఇమామ్.ఈ క్రమంలో సిద్దిపేట పట్టణంలోని పదో వార్డులో భర్తను కోల్పోయి, చిన్నపిల్లలతో దిక్కుతోచని పరిస్థితుల్లో జీవనం సాగిస్తున్న ఓ నిరుపేద మహిళ కుటుంబానికి అత్తు ఇమామ్ అండగా నిలిచారు. ఆ కుటుంబం ఇతరులపై ఆధారపడకుండా స్వశక్తితో జీవనం సాగించాలనే ఉద్దేశంతో తన తరఫున కుట్టు మిషన్‌ను అందజేశారు.కేవలం ఆర్థిక సాయం అందించడమే కాకుండా.. ఆ మహిళకు స్వయం ఉపాధి కల్పించి, కుటుంబ పోషణకు మార్గం చూపాలనే మంచి ఆలోచనతో ఈ సహాయం అందించడం అభినందనీయం. కష్టాల్లో ఉన్న కుటుంబానికి ఈ కుట్టు మిషన్ జీవనోపాధికి ఒక ఆధారంగా నిలవనుంది.పేదల సంక్షేమమే ధ్యేయంగా ప్రజల సమస్యలను తెలుసుకుంటూ, అవసరమైన సమయంలో వారికి అండగా నిలుస్తున్న అత్తు ఇమామ్ సేవా దృక్పథాన్ని స్థానికులు అభినందిస్తున్నారు.ఆపదలో అండగా నిలిచే మనసు.. పేద కుటుంబానికి ఆత్మగౌరవంతో బతికే భరోసా.. ఇదే నిజమైన ప్రజాసేవకు నిదర్శనం.