10వ తరగతి ఫలితాలు పై ప్రత్యేక దృష్టి

అనపాన నాగిరెడ్డి.మెలియాపుట్టి: మేజర్ న్యూస్.

 మిషన్ మార్చ్–2027లో భాగంగా మండల విద్యాశాఖాధికారి–2 మల్లారెడ్డి పద్మనాభరావు శనివారం కరజాడ, గొప్పిలి జెడ్పీ ఉన్నత పాఠశాలలను సందర్శించారు. పదో తరగతి విద్యార్థులతో మాట్లాడి మార్చి 2027 పరీక్షల్లో శతశాతం ఉత్తీర్ణతతో పాటు అత్యధిక మార్కులు సాధించేలా ప్రణాళికాబద్ధంగా చదవాలని సూచించారు. వెనుకబడిన విద్యార్థులపై ప్రత్యేక శ్రద్ధ చూపాలని, మోడల్ పరీక్షలు, స్లిప్ టెస్టులు, రోజువారీ పునశ్చరణ నిర్వహిస్తూ ఫలితాల మెరుగుదలకు ఉపాధ్యాయులు సమష్టిగా కృషి చేయాలని తెలిపారు.