సర్పంచ్ ఎన్నికల వేడి.. సీట్ల కోసం కూటమిలో కుమ్ములాటలు!
ఊపుమీదున్న కూటమి.. గ్రామాల్లో ఆశావహుల మధ్య ఆధిపత్య పోరు
పొడగట్లపల్లి, గోపాలపురం, ఈతకోటలో హోరాహోరీ పోటీ..
రావులపాలెంలో ఖర్చు భారం భయంతో అభ్యర్థుల వెనకడుగు
రావులపాలెం:మేజర్ న్యూస్ :గ్రామ పంచాయతీ ఎన్నికల వేడి రోజురోజుకూ పెరుగుతోంది. మండలంలో కూటమి రాజకీయంగా ఊపుమీదున్నప్పటికీ, సర్పంచ్ స్థానాల కోసం కూటమి పార్టీల్లోనే అంతర్గత పోరు మొదలైంది. ముఖ్యంగా పొడగట్లపల్లి, గోపాలపురం, ఈతకోట గ్రామాల్లో ఆశావహుల మధ్య తీవ్ర పోటీ నెలకొంది.పొడగట్లపల్లిలో టీడీపీ అంతర్గతంగా రెండు సామాజిక వర్గాల మధ్య ఆధిపత్య పోరు రసవత్తరంగా మారింది. గోపాలపురంలో ఒకే సామాజిక వర్గానికి చెందిన అభ్యర్థులు రెండు పార్టీల తరఫున పోటీకి సిద్ధమవుతుండటంతో రాజకీయ సమీకరణాలు ఆసక్తికరంగా మారాయి.లక్ష్మీపొలవరంలో ఒకే పార్టీలో సర్పంచ్ పదవిని ఆశించి భంగపడిన నాయకులు ఇప్పుడు ఏ వైపు అడుగులు వేస్తారన్న చర్చ గ్రామంలో జోరుగా సాగుతోంది. మరోవైపు రావులపాలెంలో ఎన్నికల ఖర్చు భారం కారణంగా కొందరు ఆశావహులు పోటీకి వెనకడుగు వేస్తున్నట్లు తెలుస్తోంది.
