మొక్కజొన్న సాగులో మెలకువలపై శిక్షణ

కె గంగవరం, మేజర్ న్యూస్:కె.గంగవరం మండలం శేరిలంక గ్రామంలో ఆత్మ సౌజన్యంతో మొక్కజొన్న సాగులో మెలకువలపై రైతులకు శిక్షణ కార్యక్రమం నిర్వహించారు.మండల వ్యవసాయ అధికారి ఏ.సద్గురుమూర్తి ఆధ్వర్యంలో జరిగిన ఈ కార్యక్రమానికి ఏరువాక కేంద్రం సమన్వయకర్త డాక్టర్ ఎం.నందకిషోర్ ముఖ్య అతిథిగా హాజరయ్యారు.ఈ సందర్భంగా ఆయన మాట్లాడుతూ మొక్కజొన్నలో మేలైన యాజమాన్య పద్ధతులు పాటించడం ద్వారా అధిక దిగుబడులు సాధించవచ్చన్నారు.సమతుల్య ఎరువుల వినియోగంతో పాటు పూతకు ముందు,పూత దశలో,గింజ పాలు పోసుకునే సమయంలో నీటి ఎద్దడి లేకుండా చూసుకోవాలని సూచించారు.కత్తెర పురుగు ఉధృతిపై అప్రమత్తంగా ఉండి,సకాలంలో నివారణ చర్యలు చేపట్టాలని రైతులకు సూచించారు.కార్యక్రమంలో వీహెచ్ఏ సుజీత్,వీఏఏ తేజనాని,రైతులు పాల్గొన్నారు