యాదవోలులో కేంద్ర బృందం పర్యటన

                                   మురుసు తుఫాను పంట నష్టంపై క్షేత్రస్థాయి పరిశీలన

దేవరపల్లి, నవంబర్ 14 మేజర్ న్యూస్ :మురుసు తుఫాను కారణంగా జరిగిన పంట, ఆస్తి నష్టాలను క్షేత్రస్థాయిలో అంచనా వేసేందుకు అంతర్ మంత్రిత్వ శాఖల కేంద్ర బృందం శనివారం దేవరపల్లి మండలం యాదవోలు గ్రామంలో పర్యటించింది.ఈ సందర్భంగా కేంద్ర బృందం సభ్యులు తుఫాను ప్రభావంతో దెబ్బతిన్న పంట పొలాలను, వ్యవసాయ భూములను క్షుణ్ణంగా పరిశీలించారు. అనంతరం స్థానిక రైతులతో ముఖాముఖి మాట్లాడి పంటల స్థితిగతులు, జరిగిన నష్టానికి సంబంధించిన వివరాలను అడిగి తెలుసుకున్నారు. తుఫాను వల్ల తాము ఎదుర్కొంటున్న ఇబ్బందులు, వ్యవసాయ రంగానికి జరిగిన నష్టాన్ని రైతులు కేంద్ర బృందం దృష్టికి తీసుకువచ్చారు.
క్షేత్రస్థాయిలో పరిస్థితులను పరిశీలించిన అనంతరం నష్టానికి సంబంధించిన వివరాలను కేంద్ర బృందం సభ్యులు నమోదు చేసుకున్నారు. ఈ పర్యటనలో సంబంధిత జిల్లా, మండల స్థాయి అధికారులు పాల్గొని తుఫాను నష్టంపై పూర్తి సమాచారాన్ని బృందానికి వివరించారు.