పరిపాలనలో పారదర్శకతకు సమాచార హక్కు చట్టం కీలకం

మెదక్, మేజర్ న్యూస్ ప్రతినిధి : ప్రభుత్వ పరిపాలనలో పారదర్శకతను పెంపొందించడంతో పాటు ప్రజలకు ప్రభుత్వ కార్యకలాపాలపై సమాచారం పొందే హక్కును కల్పించడంలో సమాచార హక్కు చట్టం – 2005 కీలక పాత్ర పోషిస్తుందని మెదక్ జిల్లా రెవెన్యూ అధికారి అంబదాస్ రాజేశ్వర్ అన్నారు.బుధవారం మెదక్ జిల్లా కలెక్టరేట్ కార్యాలయంలో డాక్టర్ మర్రి చెన్నారెడ్డి మానవ వనరుల అభివృద్ధి సంస్థ ఆధ్వర్యంలో సమాచార హక్కు చట్టంపై జిల్లా స్థాయి ప్రజా సమాచార అధికారులు, సహాయ ప్రజా సమాచార అధికారులు, ఇతర అధికారులకు ప్రత్యేక శిక్షణ కార్యక్రమం నిర్వహించారు.ఈ సందర్భంగా జిల్లా రెవెన్యూ అధికారి అంబదాస్ రాజేశ్వర్ మాట్లాడుతూ సమాచార హక్కు చట్టం ప్రభుత్వ శాఖల్లో జవాబుదారీతనాన్ని పెంచడంతో పాటు ప్రజలకు పాలనపై నమ్మకాన్ని కలిగిస్తుందని పేర్కొన్నారు. చట్ట నిబంధనల ప్రకారం దరఖాస్తుదారులకు సాధారణంగా 30 రోజుల్లోగా కోరిన సమాచారాన్ని అందించాల్సిన బాధ్యత సంబంధిత అధికారులపై ఉంటుందని వివరించారు.ప్రతి అధికారి సమాచార హక్కు చట్టంలోని నిబంధనలు, విధివిధానాలపై పూర్తి అవగాహన కలిగి ఉండాలని సూచించారు. దరఖాస్తుల స్వీకరణ, వాటి పరిష్కార ప్రక్రియ, సమాచారం అందించే గడువులు, పౌరుల హక్కులు, అధికారుల బాధ్యతలపై శిక్షణలో వివరంగా అవగాహన కల్పించారు.సమాచార హక్కు చట్టాన్ని సమర్థవంతంగా అమలు చేయడం ద్వారా ప్రభుత్వ పాలనలో పారదర్శకత, జవాబుదారీతనం మరింత బలోపేతం అవుతాయని తెలిపారు.ఈ శిక్షణ కార్యక్రమంలో శంకర్‌తో పాటు ప్రజా సమాచార అధికారులు, సహాయ ప్రజా సమాచార అధికారులు, వివిధ శాఖల అధికారులు, ఉద్యోగులు పాల్గొన్నారు.