పహాడిషరీఫ్ డివిజన్ బీసీలకు కేటాయించాలి

*పహాడిషరీఫ్ డివిజన్ బీసీలకు కేటాయించాలి *మంత్రి పొన్నం ప్రభాకార్ కు వినతి పత్రం అందజేసిన కొండల్ యాదవ్.
​
మామిడిపల్లిలోని దివంగత గవర్నర్  పి. శివశంకర్  నివాసంకు వచ్చిన
తెలంగాణ రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ ని పహాడీషరీఫ్ మాజీ కౌన్సిలర్ పందెం కొండల్ యాదవ్,పుంజాల శాశ్వత్ శంకర్ తో కలసి మర్యాదపూర్వకంగా కలిశారు.​ఈ సందర్భంగా రాబోయే జీహెచ్‌ఎంసీ  ఎన్నికలలో 64వ డివిజన్‌ను పహాడిషరీఫ్ ను బిసి కేటగిరీకి రిజర్వ్ చేయాలని కోరుతూ, మంత్రికి వినతిపత్రం సమర్పించారు. ఆ డివిజన్‌లో బిసి జనాభా అధికంగా ఉన్నందున వారికి తగిన ప్రాతినిధ్యం కల్పించాల్సిన అవసరం ఉందని ఈ సందర్భంగా వివరించారు. ఈ అంశంపై సానుకూలంగా స్పందించిన మంత్రి  విషయాన్ని పరిశీలిస్తామని హామీ ఇచ్చారు. ఈ కార్యక్రమంలో పలువురు నాయకులు, ముఖ్య నేతలు పాల్గొన్నారు.                          

  అంకం జగన్ : మేజర్ న్యూస్, జల్ పల్లి.