నిరుద్యోగ యువతకు ఉచిత నైపుణ్య శిక్షణ, ఉద్యోగావకాశాలు

సూర్య - పెద్దపల్లి: జిల్లాలోని నిరుద్యోగ యువతకు ఉచిత నైపుణ్య శిక్షణతో పాటు ఉద్యోగ అవకాశాలు కల్పించేందుకు TASK సమన్వయంతో మూడు రకాల శిక్షణ కార్యక్రమాలు నిర్వహిస్తున్నట్లు కలెక్టర్ కోయ శ్రీహర్ష తెలిపారు. శుక్రవారం ఆయన మాట్లాడుతూ డేటా అనలిస్ట్ కోర్సులో మూడు నెలలు, రిటైల్ సేల్స్ అసోసియేట్ కోర్సులో 30 రోజులు, పెగా ఆన్‌లైన్ కోర్సులో మూడు నెలల పాటు శిక్షణ అందించనున్నట్లు పేర్కొన్నారు. రిటైల్ సేల్స్ కోర్సు పూర్తిచేసిన వారికి మెగా మార్ట్ వంటి సంస్థల్లో ఉద్యోగ అవకాశాలు ఉంటాయని తెలిపారు.
శిక్షణ, కోర్సు ఫీజు, ప్లేస్‌మెంట్ సహకారం ఉచితమని, రిజిస్ట్రేషన్ ఫీజు రూ.599 మాత్రమే చెల్లించాలని సూచించారు. ప్రతి కోర్సులో 50 సీట్లు మాత్రమే ఉన్నందున ఆసక్తి గల యువత నవంబర్ 18లోపు ప్రభుత్వ జూనియర్ కళాశాల వెనుక ఉన్న TASK ప్రాంతీయ కేంద్రంలో నమోదు చేసుకోవాలని కోరారు. వివరాలకు 90595 06807, 80966 59481 నంబర్లలో సంప్రదించాలని సూచించారు.