నాగర్ కర్నూల్ జిల్లా కేంద్రంలోని రామాలయంలో వేదయుక్తంగా శమీ పూజలు…భక్తులచే సామూహిక విష్ణు సహస్ర పారాయణ పఠనం....

నాగర్ కర్నూల్ జిల్లా కేంద్రంలోని రాంనగర్ కాలనీలో గల శ్రీ సీతారామచంద్రస్వామి దేవాలయంలో విజయదశమి పురస్కరించుకొని రామలయ ప్రధాన అర్చకులు కందాడై వరదరాజన్ అయ్యంగార్ వేదయుక్తంగా శమీ పూజలు జమ్మి వృక్షం వద్ద నిర్వహించారు. అనంతరం జమ్మి వృక్షానికి భక్తులు సామూహిక ప్రదక్షిణ నిర్వహించి ఒకరికి ఒకరు భక్తిశ్రద్ధలతో బంగారం జమ్మి ఆకులను పంచుకున్నారు. ఆలయం పండగ శోభా అలంకరించింది. సీతారామచంద్ర స్వాముల వారికి ఉదయం నుండి భక్తులకు అర్చనలు అభిషేకాలు నిర్వహించారు. అనంతరం తీర్థప్రసాదాలు పంపిణీ చేశారు. ఈ కార్యక్రమంలో అర్థం రవీందర్, కాలనీవాసులు, విష్ణు సహస్ర పారాయణ కమిటీ సభ్యులు భక్తులు మహిళలు అధిక సంఖ్యలో పాల్గొన్నారు.

పి.వినయ్ కుమార్, నాగర్‌కర్నూల్ క్రైమ్, సూర్య న్యూస్