ముందస్తు అరెస్టులు కాదు.. ఉద్యమకారులకు ఇచ్చిన హామీలు నెరవేర్చాలి

కందుకూరు: తెలంగాణ ఉద్యమకారులకు ఇచ్చిన హామీలను ప్రభుత్వం వెంటనే అమలు చేయాలని రంగారెడ్డి జిల్లా గ్రంథాలయ సంస్థ మాజీ చైర్మన్ కప్పాటి పాండురంగా రెడ్డి డిమాండ్ చేశారు. ఉద్యమకారుల సంఘాల పిలుపు మేరకు ముఖ్యమంత్రి నివాసం ముట్టడి కార్యక్రమానికి వెళ్లకుండా సోమవారం బాచుపల్లిలోని తన నివాసంలో పోలీసులు హౌస్ అరెస్టు చేయడాన్ని ఆయన తీవ్రంగా ఆక్షేపించారు.
ఉద్యమకారులను నిర్బంధించడం కంటే వారికి ఇచ్చిన హామీలను నెరవేర్చడంపై ప్రభుత్వం దృష్టి సారించాలని అన్నారు. అర్హులైన ఉద్యమకారులను గుర్తించేందుకు ఆన్‌లైన్ విధానంలో పారదర్శకంగా ప్రక్రియ ప్రారంభించి, ఎన్నికల్లో ఇచ్చిన హామీ మేరకు వారికి న్యాయం చేయాలని ముఖ్యమంత్రి రేవంత్ రెడ్డిని కోరారు.

టి. శ్రీనివాస్, మేజర్ న్యూస్