జనసేనలోకి కొనసాగుతున్న చేరికలు.. పవన్ కళ్యాణ్ ఆశయాలకు ఆకర్షితుడై పార్టీలో చేరిన యోగి.. జనసేనను క్షేత్రస్థాయిలో బలోపేతం చేయాలి: టి.సి. వరుణ్
అనంతపురం మేజర్ న్యూస్ ప్రతినిధి:- అనంతపురం నగరంలో జనసేన పార్టీలో చేరికలు కొనసాగుతున్నాయి. పవన్ కళ్యాణ్ ఆశయాలు, ప్రజాసేవ పట్ల నిబద్ధతకు ఆకర్షితుడై ఆరవ డివిజన్ మాజీ కార్పొరేటర్ భర్త యోగి జనసేనలో చేరారు. రామ్‌నగర్‌లోని జనసేన కార్యాలయంలో జిల్లా అధ్యక్షుడు, అహుడ చైర్మన్ టి.సి. వరుణ్ యోగికి పార్టీ కండువా కప్పి ఆహ్వానించారు. ఈ సందర్భంగా యోగి మాట్లాడుతూ పార్టీ అభివృద్ధికి, ప్రజాసేవకు కృషి చేస్తానన్నారు. ఈ సందర్భంగా జనసేన జిల్లా అధ్యక్షులు, అహుడ చైర్మన్ టి.సి. వరుణ్ మాట్లాడుతూ.. పవన్ కళ్యాణ్ ఆశయాలను ప్రజల్లోకి తీసుకెళ్లి పార్టీని క్షేత్రస్థాయిలో బలోపేతం చేయాలని పిలుపునిచ్చారు. రానున్న నగరపాలక సంస్థ ఎన్నికల్లో జనసేన–టీడీపీ–బీజేపీ కూటమి విజయానికి సమన్వయంతో పనిచేయాలని కోరారు. కార్యక్రమంలో భవాని రవికుమార్, పొదిలి బాబురావు, కాయగూరల లక్ష్మీపతి, నాగేంద్ర, ఈశ్వర్, గ్రంధి దివాకర్, సంజీవులు తదితరులు పాల్గొన్నారు.
మల్లికార్జున నేటి దినపత్రిక సూర్య స్టాఫ్ రిపోర్టర్
