మ్మెల్సీ ఎన్నికల్లో సహకరించండిఃచ మధుయాష్కి గౌడ్‌ను ఆహ్వానించిన కాంగ్రెస్ అభ్యర్థి సర్వోత్తమ్ రెడ్డి
సూర్య, తెలంగాణ బ్యూరో ప్రతినిధి: త్వరలో జరగనున్న వరంగల్–ఖమ్మం–నల్గొండ పట్టభద్రుల ఎమ్మెల్సీ ఎన్నికల్లో తనకు సహకరించాలని, ఎన్నికల ప్రచారంలో పాల్గొనాలని కాంగ్రెస్ పార్టీ అభ్యర్థి రాంరెడ్డి సర్వోత్తమ్ రెడ్డి ఆల్ ఇండియా ప్రొఫెషనల్స్ కాంగ్రెస్ చైర్మన్, మాజీ ఎంపీ మధుయాష్కి గౌడ్‌ను ఆహ్వానించారు. ఈ మేరకు గురువారం బంజారాహిల్స్‌లోని మధుయాష్కి గౌడ్ నివాసంలో ఆయనను మర్యాదపూర్వకంగా కలిశారు. వరంగల్–ఖమ్మం–నల్గొండ పట్టభద్రుల ఎమ్మెల్సీ స్థానానికి కాంగ్రెస్ అభ్యర్థిగా నియమితులైన సర్వోత్తమ్ రెడ్డికి మధుయాష్కి గౌడ్ శుభాకాంక్షలు తెలిపారు. ఈ సందర్భంగా ప్రస్తుతం కొనసాగుతున్న పట్టభద్రుల ఓటరు నమోదు ప్రక్రియ, ఎన్నికల సన్నద్ధతపై సర్వోత్తమ్ రెడ్డి వివరించారు. ఎన్నికల్లో పార్టీ తరఫున పూర్తి సహకారం అందించాలని, తనకు మద్దతుగా ప్రచారంలో పాల్గొనాలని మధుయాష్కి గౌడ్‌ను కోరారు. ఉమ్మడి నల్గొండ, ఖమ్మం జిల్లాలకు చెందిన పలువురు పట్టభద్రులు ఎల్బీనగర్ నియోజకవర్గ పరిధిలో నివసిస్తున్న విషయంపై ఇరువురు నేతలు చర్చించారు. ఎల్బీనగర్ పరిధిలోని పట్టభద్రుల ఓటర్ల నమోదుతో పాటు ఎన్నికల కార్యక్రమాలకు తమ పూర్తి సహకారం ఉంటుందని మధుయాష్కి గౌడ్ హామీ ఇచ్చారు. అలాగే వనస్థలిపురంలోని నియోజకవర్గ కాంగ్రెస్ పార్టీ కార్యాలయాన్ని ఎమ్మెల్సీ ఎన్నికల ప్రక్రియకు వినియోగించుకోవచ్చని సూచించారు.
ఎ.రవీందర్‌, హైడరాబాద్‌.
