మహర్షి వాల్మీకి జీవితం సమాజానికి స్ఫూర్తిదాయకం. జిల్లా కలెక్టర్ ప్రతిమా సింగ్.
మెదక్ ; మహర్షి వాల్మీకి జీవితం, ఆదర్శాలు, ఆయన రచించిన రామాయణం సమాజానికి ఎల్లప్పుడూ స్ఫూర్తిదాయకమని జిల్లా కలెక్టర్ అన్నారు.మహర్షి వాల్మీకి జయంతి సందర్భంగా సోమవారం కలెక్టర్ క్యాంప్ కార్యాలయంలో నిర్వహించిన జయంతి వేడుకల్లో కలెక్టర్ పాల్గొన్నారు.ఈ సందర్భంగా జ్యోతి ప్రజ్వలన చేసి, మహర్షి వాల్మీకి చిత్రపటానికి పూలమాల వేసి ఘనంగా నివాళులర్పించారు.ఈ సందర్భంగా కలెక్టర్ మాట్లాడుతూ, మహర్షి వాల్మీకి రచించిన రామాయణం మానవాళికి ధర్మం, సత్యం, న్యాయం, కర్తవ్యనిష్ఠ వంటి విలువలను బోధిస్తుందని పేర్కొన్నారు. ఆయన జీవితం మనిషిలో మార్పు సాధ్యమేనని, పట్టుదల, జ్ఞానం, నిరంతర కృషితో ఉన్నతమైన లక్ష్యాలను సాధించవచ్చని చాటిచెబుతుందన్నారు. మహర్షి వాల్మీకి బోధనలను ఆచరిస్తూ సమాజంలో సద్భావన, సమానత్వం, నైతిక విలువలను పెంపొందించుకోవాలని సూచించారు.కలెక్టర్ కార్యాలయంలో అదనపు కలెక్టర్ నగేష్ మహర్షి వాల్మీకి చిత్రపటానికి పూలమాలలు వేసి నివాళులర్పించారు. మహర్షి వాల్మీకి సేవలను కొనియాడారు.
ఈ కార్యక్రమంలో డి ఆర్ వో అంబాదాస్ రాజేశ్వర్, బిసి సంక్షేమ శాఖ అధికారి ఉపేందర్, బిసి సంఘం నాయకులు పాల్గొన్నారు.ఈ కార్యక్రమంలో క్యాంప్ కార్యాలయ సిబ్బంది తదితరులు పాల్గొన్నారు.
