మార్కుక్ పోలీస్ స్టేషన్‌లో ఓపెన్ హౌస్ కార్యక్రమం
మర్కుక్ :పోలీసు అమరవీరుల వారోత్సవాల్లో భాగంగా మార్కుక్ పోలీస్ స్టేషన్‌లో శనివారం ఓపెన్ హౌస్ కార్యక్రమాన్ని నిర్వహిచారు. ఈ సందర్బంగా ఎస్సై యునస్ అలీ మాట్లాడుతూ తెలంగాణ పబ్లిక్ స్కూల్ మరియు జడ్పీహెచ్‌ఎస్ మార్కుక్ పాఠశాలలకు చెందిన విద్యార్థులు పాల్గొన్నారు. విద్యార్థులకు పోలీస్ స్టేషన్‌లో నిర్వహించే విధులు, పిటిషన్ స్వీకరణ నుంచి కేసు నమోదు, దర్యాప్తు, చార్జిషీట్ దాఖలు వరకు జరిగే వివిధ ప్రక్రియల గురించి వివరించారు.
అలాగే పోలీస్ స్టేషన్‌లో నిర్వహించే వివిధ రికార్డులు, పోలీసు విధివిధానాలు, వివిధ చట్టాలు, బాలల రక్షణ చట్టాలు, చట్టపరమైన హక్కులు మరియు బాధ్యతలపై విద్యార్థులకు అవగాహన కల్పించారు . ఈ కార్యక్రమం ద్వారా విద్యార్థులకు పోలీసు వ్యవస్థ పనితీరుపై అవగాహన పెంపొందించడంతో పాటు, చట్టాలను గౌరవిస్తూ బాధ్యతాయుతమైన పౌరులుగా ఎదగాలని సూచించారు.
ఈ కార్యక్రమంలో మార్కుక్ హెడ్ కానిస్టేబుల్ ఖాజా, రాజారెడ్డి, కానిస్టేబుల్స్ నరసింహులు, శ్రీకాంత్ రెడ్డి, కిషోర్, కల్యాణి మరియు సంధ్య పాల్గొన్నారు.
. (మహిపాల్ రెడ్డి మర్కుక్ మండల రిపోర్టర్ )
