జోడేఘాట్‌కు బయలుదేరిన కుంరం భీo కుటుంబ సభ్యులు

సూర్య జైనూర్ : కొమురం భీం ఆసిఫాబాద్ జిల్లా, సిర్పూర్ (యు) మండలం పెద్ద దొబ గ్రామంలో ఆదివాసీ పోరాట యోధుడు, జల్–జంగల్–జమీన్ నినాదంతో ఆదివాసీల హక్కుల కోసం పోరాడిన అమరజీవి కొమరం భీం 86వ వర్ధంతి సందర్భంగా ఆయన కుటుంబ సభ్యులు, కొమరం భీం వారసులు జోడేఘాట్‌కు బయలుదేరారు.అక్టోబర్ 26న జోడేఘాట్‌లో నిర్వహించనున్న కుంరం భీం 86వ వర్ధంతి రాష్ట్ర పండుగలో పాల్గొని, అమరవీరుడు కుంరం భీంకు ఘనంగా నివాళులర్పించేందుకు కుటుంబ సభ్యులు, వారసులు తరలివెళ్తున్నారు.ఈ సందర్భంగా కుంరం భీం వారసులు కుంరం సోనేరావు కుంరం భీంరావ్ ఆదివాసీల హక్కులు, భూమి, అడవి, నీటి కోసం పోరాడిన మహనీయుడు కుంరం భీం త్యాగాలను ప్రతి ఒక్కరూ స్మరించుకోవాలని కోరారు.అక్టోబర్ 26న జరిగే వర్ధంతి కార్యక్రమానికి ఆదివాసీ సంఘాల నాయకులు, యువకులు, మహిళలు, గ్రామ పంచాయతీ సర్పంచ్ ఆత్రం మీరు బాయి ఆత్రం జలింసావ్ గ్రామ పెద్దలు సోము రాంశావ్ నాగోరావ్ ఆత్రం ఆనంద్ రావు గ్రామ , ప్రజలు పెద్ద సంఖ్యలో హాజరై కార్యక్రమాన్ని విజయవంతం చేయాలని పిలుపునిచ్చారు.