మార్కెట్ అభివృద్ధికి కృషి చేస్తాం మార్కెట్ చైర్‌పర్సన్ రంగినేని స్పందన రాజీవ్ మంత్రి ఉత్తమ్ కుమార్ రెడ్డికి కృతజ్ఞతలు
మార్కెట్ అభివృద్ధికి కృషి చేస్తాం
మార్కెట్ చైర్‌పర్సన్ రంగినేని స్పందన రాజీవ్
మంత్రి ఉత్తమ్ కుమార్ రెడ్డికి కృతజ్ఞతలు
నేరేడుచర్ల, మేజర్ న్యూస్
నేరేడుచర్ల మార్కెట్ చైర్‌పర్సన్ రంగినేని స్పందన రాజీవ్ ఆధ్వర్యంలో కాంగ్రెస్ పార్టీ కార్యాలయంలో సమావేశం నిర్వహించారు. ఈ సమావేశంలో కాంగ్రెస్ మండల అధ్యక్షుడు, మున్సిపల్ చైర్మన్ కొణతం చిన్న వెంకట్ రెడ్డి, పట్టణ అధ్యక్షుడు, మున్సిపల్ వైస్ చైర్మన్ సందీప్ రెడ్డి పాల్గొన్నారు.ఈ సందర్భంగా మార్కెట్ కమిటీ చైర్‌పర్సన్ రంగినేని స్పందన రాజీవ్ మాట్లాడుతూ, మార్కెట్ అభివృద్ధికి శక్తివంచన లేకుండా కృషి చేస్తానని తెలిపారు. కాంగ్రెస్ పార్టీలో కష్టపడి పనిచేసిన తమను గుర్తించి మార్కెట్ కమిటీ పదవులు కల్పించిన మంత్రి ఉత్తమ్ కుమార్ రెడ్డికి కృతజ్ఞతలు తెలిపారు. అలాగే మండల, పట్టణ నాయకులకు ధన్యవాదాలు తెలియజేశారు. మార్కెట్ అభివృద్ధి కోసం అందరినీ కలుపుకొని ముందుకు సాగుతానని పేర్కొన్నారు.అనంతరం మండల అధ్యక్షుడు కొణతం చిన్న వెంకట్ రెడ్డి మాట్లాడుతూ, మార్కెట్ కమిటీ చైర్‌పర్సన్‌గా బాధ్యతలు చేపట్టిన రంగినేని స్పందన రాజీవ్‌కు అభినందనలు తెలిపారు. మార్కెట్ అభివృద్ధికి నాయకులు, ప్రజాప్రతినిధులు సమన్వయంతో పనిచేయాలని ఆకాంక్షించారు.ఈ కార్యక్రమంలో మార్కెట్ కమిటీ వైస్ చైర్మన్ మునగాల భాస్కర్ రెడ్డి, మార్కెట్ కమిటీ డైరెక్టర్లు, కాంగ్రెస్ నాయకులు చలసాని శ్రీనివాస్ రావు, పార్టీ కార్యకర్తలు, సర్పంచులు తదితరులు పాల్గొన్నారు.
